影片
更多
2021-11-09
1452 浏览
好多年前食过分店，无咩特别印象，感觉名过其实。今晚忽然摵起条筋想去食焗鱼肠，walk in 总店唔使排队好开心😊，而且食物有水准，老店出名系有原因。招牌砵仔饭，豉油猪油捞白饭真系绝配👍楼面叔叔仲贴心提示可以上咗菜先至落单叫砵仔饭，因为好快上，趁热食。焗鱼肠一上枱，香气扑鼻，蛋面香脆，馅料丰富好湿润，每一口都吃到甘香嘅鱼肠，无一丁点苦味或腥味。中间食到好似面包布甸嘅粒粒，谂咗好耐，终于醒起应该系油炸鬼👻家乡酿鲮鱼，一心只系谂住食屋企唔会煮嘅手工菜，都担心会腥。但往往无期望下就会有惊喜，一上枱见到条鱼咁肥美就知道好味。鱼皮完整炸得好靓仔，趁热食固然香脆，食到最尾摊冻咗都仲系好脆，尤其有鱼鮨嘅部份，同食炸鱼皮小食一样咁香脆。鲮鱼肉完全无碎骨无腥味，应该混合咗猪肉令味道更丰富，花生木耳增添口感。蟹肉豆苗其实都唔错，虽然豆苗比较大棵，但都唔算老。只系另外两个𩠌太出色，所以相形见绌😅落单时，楼面叔叔已经提咗我哋，马拉糕系食完主菜先至上。食物份量足，本来食咗咁多嘢已经好饱，但阿姐一打开个蒸笼盖，闻到马拉糕嘅奶黄甜香，胃口即刻返番嚟。马拉糕有三层，由外面到中心位都系咁松软，好香奶黄味又唔太甜。食完劲满
招牌砵仔饭，豉油猪油捞白饭真系绝配👍
楼面叔叔仲贴心提示可以上咗菜先至落单叫砵仔饭，因为好快上，趁热食。
焗鱼肠一上枱，香气扑鼻，蛋面香脆，馅料丰富好湿润，每一口都吃到甘香嘅鱼肠，无一丁点苦味或腥味。中间食到好似面包布甸嘅粒粒，谂咗好耐，终于醒起应该系油炸鬼👻
家乡酿鲮鱼，一心只系谂住食屋企唔会煮嘅手工菜，都担心会腥。但往往无期望下就会有惊喜，一上枱见到条鱼咁肥美就知道好味。
鱼皮完整炸得好靓仔，趁热食固然香脆，食到最尾摊冻咗都仲系好脆，尤其有鱼鮨嘅部份，同食炸鱼皮小食一样咁香脆。鲮鱼肉完全无碎骨无腥味，应该混合咗猪肉令味道更丰富，花生木耳增添口感。
蟹肉豆苗其实都唔错，虽然豆苗比较大棵，但都唔算老。只系另外两个𩠌太出色，所以相形见绌😅
落单时，楼面叔叔已经提咗我哋，马拉糕系食完主菜先至上。食物份量足，本来食咗咁多嘢已经好饱，但阿姐一打开个蒸笼盖，闻到马拉糕嘅奶黄甜香，胃口即刻返番嚟。马拉糕有三层，由外面到中心位都系咁松软，好香奶黄味又唔太甜。食完劲满足😋
仲有一个惊喜位，老店楼面都有少少残旧啦，但洗手间好新净，又够光。香港食肆，尤其酒家嘅厕所一向环境卫生欠佳，为人诟病。但要赞一下老店嘅清洁员工做得好好👍👍👍，厕所无异味（无臭味，无好假嘅空气清新剂），厕格地板都清洁干爽。
一间老牌食店，食物水准keep 得到，价钱合理，员工服务态度又好，连最难搅嘅厕所清洁都做得好，难得。食店系teamwork, 老板、厨房、楼面、清洁各司其识，抵赞呀！
张贴
