新斗記 (已結業)

今个月系爸妈结婚三十周年纪念，所以一于去庆祝一下！先来一个招牌即烧乳猪，乳猪皮非常松化，外脆内软，我未食过咁好食嘅烧乳猪！之后再来一个小食，椒盐豆腐粒，豆腐细细粒，炸到脆卜卜，椒盐又惹味，唔错。太耐冇食牛仔骨，一于叫番个，黑椒牛仔骨煲，牛仔骨原煲上，好够镬气，仲「沙沙声」，好重牛肉味！除咗肉，仲有叫海鲜，就是系香煎鲜虾饼，虾饼好弹牙，仲煎到金黄色，恰到好处。呢度有我想食好耐嘅传统手工菜，碧绿虾子柚皮。柚皮食落完全冇苦涩味，又冇渣，配埋鲍汁，口感好好。我呢个食肉兽，一定叫番个，生炒上肉排，即系生炒骨，肉质够juicy，酸甜味好够，有质素！呢间新斗记果然名不虚传呀！