影片
更多
2018-02-23
190 浏览
响九龙湾返工，星期五下午同同事食饭，本来想去旁边食泰国嘢，但 booking full 晒结果转去旁边呢间。点嘢嘅时候，menu 有写住有蒸饭、羽衣甘蓝菜肉饺、汤面，9 个人睇完 menu，决定晒，点菜嘅时候侍应先话，冇蒸饭、冇菜肉饺。好，即转，点完唔到一分钟，响厨房出返嚟话：冇汤面。等咗 10 分钟，嘢食开始到，不过啲组合乱七八糟。叫口水鸡菜饭嘅同事收到口水鸡葱油捞面；叫珍珠菜肉云吞拼鱼蛋米线𠮶位就收到碗冇鱼蛋嘅米线。同楼面反映，佢仲话：「我叫佢拎走几只云吞先。」扰攘一轮，我叫嘅嘢终于嚟齐。牛筋腩葱油拌面个面同捞汁（甚至腩汁）都淡而无味，生菜鲮鱼球食到有碎骨，不过好在未有割亲喉咙。唯一可取嘅系个「够姜薏米水」，啲姜嘅辣味几出。一路食，身边其他食客「唔该有冇乜」、「呢样又冇吖」等嘅声音此起彼落，我谂呢间餐厅不如直接改名做「伯母餐厅」比较好。
点嘢嘅时候，menu 有写住有蒸饭、羽衣甘蓝菜肉饺、汤面，9 个人睇完 menu，决定晒，点菜嘅时候侍应先话，冇蒸饭、冇菜肉饺。好，即转，点完唔到一分钟，响厨房出返嚟话：冇汤面。
等咗 10 分钟，嘢食开始到，不过啲组合乱七八糟。叫口水鸡菜饭嘅同事收到口水鸡葱油捞面；叫珍珠菜肉云吞拼鱼蛋米线𠮶位就收到碗冇鱼蛋嘅米线。同楼面反映，佢仲话：「我叫佢拎走几只云吞先。」
扰攘一轮，我叫嘅嘢终于嚟齐。
牛筋腩葱油拌面个面同捞汁（甚至腩汁）都淡而无味，生菜鲮鱼球食到有碎骨，不过好在未有割亲喉咙。唯一可取嘅系个「够姜薏米水」，啲姜嘅辣味几出。
一路食，身边其他食客「唔该有冇乜」、「呢样又冇吖」等嘅声音此起彼落，我谂呢间餐厅不如直接改名做「伯母餐厅」比较好。
张贴
