影片
更多
2019-05-22
48 浏览
平时都会间中唔做食肉兽去茹下素，收工就经过去开清真寺又想食下啲印度野，唔想去重庆大厦就一于去亚士厘道望下有无岩，行唔够半条街就见到indian vegetrain resturant 仲唔系你，价钱都未睇就上咗去。 入到去原来好多印度人同外国人系度食，都有8成满，但空间好阔落，唔怕迫同嘈。 真系第一次食印度素食，menu 底印咗行咩食物代表咩素食，似乎印度人对素食都几讲究，我地纯粹只系唔想食肉，所以就乱咁拣啦，选择都好多元化，食印度野唔少得就系烤饼，煎饼，仲有饭，小食等等，我地就叫咗烤饼，炸磨菇，跟住见到隔离枱叫咗一盘饭入面好多细细碟嘅酱同𩠌之类嘅野就跟住点埋一份。 水呢度应该唔包嘅，但就有樽装水可以开(收费的)，因为唔想浪费水樽所以我地唔饮水一阵饮返自己随身水樽嘅水。 第一碟黎到嘅萨拉维亚套餐上到黎真系好得意，有十碗唔同味道嘅汁，由咖哩、酸辣、豆到乳酪都有(详细自己睇返menu 啦)，而且有配饭加同2款共4块薄饼，我地见印度人会落手拿起啲饭，我地唔识食就当佢平时啲饭或者薄饼咁加汁黎食，味道好丰富，炸饼同薄煎饼配合起黎各有风味，不过啲饭就唔似平时食开泰国米咁有米香同黏，系偏散同干身嘅，
入到去原来好多印度人同外国人系度食，都有8成满，但空间好阔落，唔怕迫同嘈。
真系第一次食印度素食，menu 底印咗行咩食物代表咩素食，似乎印度人对素食都几讲究，我地纯粹只系唔想食肉，所以就乱咁拣啦，选择都好多元化，食印度野唔少得就系烤饼，煎饼，仲有饭，小食等等，我地就叫咗烤饼，炸磨菇，跟住见到隔离枱叫咗一盘饭入面好多细细碟嘅酱同𩠌之类嘅野就跟住点埋一份。
水呢度应该唔包嘅，但就有樽装水可以开(收费的)，因为唔想浪费水樽所以我地唔饮水一阵饮返自己随身水樽嘅水。
第一碟黎到嘅萨拉维亚套餐上到黎真系好得意，有十碗唔同味道嘅汁，由咖哩、酸辣、豆到乳酪都有(详细自己睇返menu 啦)，而且有配饭加同2款共4块薄饼，我地见印度人会落手拿起啲饭，我地唔识食就当佢平时啲饭或者薄饼咁加汁黎食，味道好丰富，炸饼同薄煎饼配合起黎各有风味，不过啲饭就唔似平时食开泰国米咁有米香同黏，系偏散同干身嘅，吸起汁黎唔会一pat。味道同口感都相当丰富，份量绝对足够一个大男人食到饱。
另一道炸磨菇比我地想像中嘅唔同，系炸过嘅菇再翻炒返汁同配料，咬落脆得黎又唔太热气，而且咬落唔系一个个嘅菇，好味。
再黎就系烤炉薄饼，系厚身嘅薄饼黎，望到已经知道好食，而且好烟，就咁食都好食，配合埋炸蘑菇或者套餐嘅汁黎食都好味。
呢间印度素食比我地想像中好食而且好抵食，呢个份量两个人食系有点儿太多添，饭同薄饼其实都真系好饱肚架，下次返黎再食就可以点少样或者叫多啲人一齐黎食试多啲唔同嘅野食啦，因为佢地仲有好多唔同嘅野食慢慢试。
张贴
