影片
港铁尖沙咀/尖東站 L5 出口, 步行约2分钟
继续阅读
电话号码
27361127
27361128
52288674 (WhatsApp)
附加资料
全素餐廳
营业时间
星期一至五
11:30 - 15:00
18:00 - 22:30
星期六至日
11:00 - 22:30
以上资料只供参考，请与餐厅确认详情
食家推介
當日食左一間大廈樓上鋪食素嘅印度菜。職員全部都好友善，鋪頭有職員識講廣東話或者英文，所以唔洗擔心溝通唔到。叫左米煎餅，印度炒飯同芒果拉昔。先講下米煎餅，份量好大，睇落有D似班戟，不過就薄好多，就咁食落口就冇咩特別，不過個煎餅配埋唔同嘅醬，由淡味到濃味都有，我就最鐘意綠色同啡色呢兩隻醬，綠色戈隻醬好fresh, 因為本身煎餅有D油，所以配綠色呢隻醬就可以中和翻；而啡色個隻醬就比較稀，但帶少少辣，食落幾特別。食到一半先發現裹面有薯蓉混左洋蔥，薯蓉好好食。印度炒飯叫左要少少辣，但食起上黎比想像中辣。而印度炒飯飯粒比較細長同埋比較乾身，食落粒粒分明，之後仲同白色嘅洋蔥醬，就中和左好多辣味，更易入口。芒果拉昔係室溫，好結好香芒果味。
继续阅读
食得多中西日韓泰越菜 多少都會有點郁悶 難得相約好友出外搵食 那就來點特別一些 試試印度菜其實早年n_cc都經常品嚐印度菜 緣於同校師兄經常帶n_cc四周試菜 就這樣一試愛上不過印度菜式口味獨特 尤其是香料口味並不是人人討好最近搵到呢間Saravanaa Bhavan網上好評不斷 Saravanaa Bhavan位於人流極好既尖沙咀地段 地點算是方便易搵 舖面空間濶落舒適 三兩知己坐著聊天未嘗不可 好評不斷並不是浪得虛名 因為周圍左近坐著的都是慕名而來的香港人外國人...其實食印度菜最令人懊惱是睇餐牌 因為你永遠都無可能知你點的是什麼來雖然呢間有中英印文三文並列 部分仲附有圖片 不過始終都要靠估...Mango Lassi (芒果乳酪)杰身質感芒果味濃郁 清甜不膩 不過略嫌味道偏甜 Vegetable Curry(Less spicy)(咖哩雜菜)食過好幾間印度餐廳既咖哩雜菜材料都不一樣 不過一樣咁好食 味道帶點微辣 印度咖哩仲會加埋芝士 令香味同味道都更為提升 非常滋味Cheese Masala Dosa(芝士瑪沙拉煎薄餅)熱哄哄香噴噴 食落有淡淡牛油香同埋香濃芝士味 煙韌有口感 配合Vegetable Curry簡直是天作之合 果然薄餅要併上咖哩才是皇道Aloo Stuffed Paratha(薯仔餡薄餅)份量頗大 配上椰汁、紅咖哩及青咖哩 三種不同味覺不同口感 仲可以配湯一併食 煎餅煎得香口外表爽脆內裡軟 有厚度之餘煙韌有咬口 味道帶點辣 不過不會太過火 辣得爽 中間有薯仔餡料 即使單食都已經好食 香草味不算太濃 不會難以接受平日食開中西式食得悶悶地 偶爾來點新鮮既認真不錯 呢度不論係食物質素同服務都唔錯 實在值得一試值得一提是 呢度素食者都絕對岩食架
继续阅读
一向鍾意食唔同嘅嘢今日竟然比朋友介紹去食一間印度野店環境裝修不俗有別於傳統印度裝潢店內九成顧客都是地道的印度人晚餐時段全部滿座但冷氣較微弱設有露天茶座芒果奶昔Lassi 濃濃香滑芒果味加上濃厚嘅乳酪質感芒果迷值得一試特色馬德拉絲咖啡 一般嘅咖啡加泡 奶味偏重份量偏少特製薩拉維亞套餐 套餐包括酸辣湯、辣豆、配菜、印度香料、雜菜扁豆醬、特色印度酸咖哩、乳酪、牛油奶、特製鷹嘴豆酸奶、印度薄煎餅、 酸瓜、甜品、米飯、印度炸餅三件地道印度菜式非常飽肚內有米飯及三塊印度餅個人喜愛乳酪及鷹嘴豆酸奶蔬菜班戟 班戟餅有微微油煎香味三隻酸辣醬中椰絲汁同蔬菜班戟很配瑪莎拉印度酥油烤餅 為店舖的名菜酥油香十足薯仔餡比較平凡但差不多每桌客人都會點總括而言極有印度風味一個好新奇的味蕾感受各位可以嘗試一下
继续阅读
依排想搵特別風味，知道尖沙咀有一間寫明係World’s No.1 Indian Vegetarian Restaurant Chian ，當然叫埋朋友同小怪去嘗嘗。一去到現場，環境雖然簡單 ，但全場坐爆印度人，有坐低一家人又有情侶傾傾傾，一睇就知正宗，所以立即點餐。見到好多野都有興趣，唔知叫咩。好彩waiter識講英文， 我地當然問佢有咩介紹啦，店員都好親切咁介紹店既特色野比我地Vegetable uthappam 蔬菜班戟 $65一開始我地先叫左個蔬菜班戟，單食蔬菜班戟都好好食，佢仲仲配辣豆湯加3款酸辣醬GHEE ROAST MASALA 瑪沙拉印度酥油烤餅 $70烤餅一上到黎就知點解鎮店必叫，因為烤餅個樣真係好開心，個薄餅好大好大。扁豆做既烤餅，食落有好香既酥油味，而內面釀滿香辣薯仔餡，薯仔餡加有印度香料，食落印尼味十足。Saravanaa special meals 特製薩拉維亞套餐 $120依個套餐極豐富，一個套餐可以充分滿足你味覺。入面包括有酸辣湯 ，辣豆，配菜，印度香料， 雜菜扁豆醬， 特色印度酸咖哩， 乳酪 牛油奶，酸瓜，特製鷹咀豆，酸奶同甜品 個十多個汁。你可以選擇用印度薄炸餅，麥餅，同米飯同不同既汁混埋食，極具印度特色manga lassi $35芒果拉昔飲品方面，芒果拉昔其實係芒果乳酪 芒果夠吉身但香滑，有夏天的感覺🥭🍹Special madras filter coffee 特色馬德拉絲咖啡 ☕$30 一入口有苦澀滋味，但之後有甘香仲有奶味另外提一提每檯都有礦泉水係枱面，注意細$9，大$12。我地今次3個人去食，但因分量好足，我地大家都食到好飽，仲覺得好似真去左一次印度咁。正呀。
继续阅读
第一次食印度菜 就獻左比依間位於尖沙咀既樓上舖一入到餐廳最令我surprise 既係成間餐廳都冇華人臉孔無論係店員 廚師 定食客相信應該係有番咁上下正宗所幸既係佢既menu依然係中英bilingual唔會下下睇到需要查字典😂😂朋友話食印度菜當然要食naan但係佢本menu豐富到淨係印度煎餅都有5、6頁花多繚亂到選擇困難症發作我地咩都想試下咁 最後就決定揀個北印度set share 有飯 有前菜 有甜品 有naan另外嗌左一杯mango lassi同一杯plain lassiLassi其實姐係溝稀左既yogurt酸酸甜甜好開胃我地揀既套餐上到菜既時候 我同朋友都嚇親 雖然話主食係得兩大塊naan 同個印度炒飯但卻配左好多唔同既 同小鐵兜裝住既sauce色彩繽紛 香料既味道亦好濃郁豐富未擺落口齋個色水同香味已經令人流曬口水我地將個naan搣成細細塊逐個sauce試每一兜既味道都各有千秋有啲辛香料濃郁 食落香辣惹味有啲則有香草同蔬菜既甘甜我本來係個食肉獸 對食素有少少抗拒總覺得會好寡 索然無味但估佢唔到 印度既素菜有咁多層次同變化其實咁多個sauce 食得出材料不外乎都係薯仔 蘿蔔 洋蔥 豆 蕃茄 南瓜 菠菜 等等尤其薯仔同蘿蔔 幾乎每兜都有佢地既身影但卻做到每兜都有佢特色滋味真係唔簡單啊 用尼蘸醬既牛油naan亦烤得岩岩好唔乾亦唔硬亦唔太油膩配上唔同既醬料 感覺好似一次過品嘗十幾道獨立既菜式一樣非常推薦大家試下
继续阅读