影片
更多
2007-12-21
36 浏览
与老友记聚旧，老友记就我住呢区，话想试下呢间。早就听见呢间又贵又唔掂，不过志在聚旧，好又一餐唔好又一餐，当见识下，冇所谓啦！呢间野号称中日火锅，但系无论装修菜色都系唔中唔西唔日，总之四不像啦！本来打边炉都唔需要厨房功夫，求其用料新鲜就掂。不过呢间野净系独沽一味追求高毛利，除左猛咁推销海鲜（？）之外，好多火锅料都唔肯正正经经，实实济济，用基本材料，一味加Ｄ瑶柱，蟹子等等花巧野落去，然后卖高价钱，而且Ｄ苛捐杂税吓到我地呢Ｄ普罗大众眼凸凸，一坐低未叫野已经每人几十皮！叫左Ｄ大路野好似牛肉，丸、菜、少少海鲜，诸如此类，虽然都ＯＫ，正就讲唔上啦！不过唔好忘记Ｄ价钱超越大市，如果收咁贵都唔俾番咁上下野人食就绝对冇良心！总而言之，冇下次帮衬喇！睇佢Ｄ手法亦都唔系似做街坊生意，只系博地旺，靠Ｄ生客或者Ｄ地保大哥打趸！
早就听见呢间又贵又唔掂，不过志在聚旧，好又一餐唔好又一餐，当见识下，冇所谓啦！
呢间野号称中日火锅，但系无论装修菜色都系唔中唔西唔日，总之四不像啦！
本来打边炉都唔需要厨房功夫，求其用料新鲜就掂。不过呢间野净系独沽一味追求高毛利，除左猛咁推销海鲜（？）之外，好多火锅料都唔肯正正经经，实实济济，用基本材料，一味加Ｄ瑶柱，蟹子等等花巧野落去，然后卖高价钱，而且Ｄ苛捐杂税吓到我地呢Ｄ普罗大众眼凸凸，一坐低未叫野已经每人几十皮！
叫左Ｄ大路野好似牛肉，丸、菜、少少海鲜，诸如此类，虽然都ＯＫ，正就讲唔上啦！不过唔好忘记Ｄ价钱超越大市，如果收咁贵都唔俾番咁上下野人食就绝对冇良心！
总而言之，冇下次帮衬喇！睇佢Ｄ手法亦都唔系似做街坊生意，只系博地旺，靠Ｄ生客或者Ｄ地保大哥打趸！
张贴