Noodle and Dog (已結業)

寻日喺上环苏杭街见完客仲未食晏，谂住求其食少少就搭地铁赶返公司，途中经过呢间 Noodle and Dog，由于太肚饿，于是就二话不说冲入去医肚，睇咗餐牌，啲野食名都几得意，速食得黎仲要中西fusion，例如腐乳热狗，都几有谂头，我就稳阵啲叫咗个蕃茄汤面同虾滑，食面之前梗系饭啖汤先㗎啦，呢个蕃茄汤好浓郁好足料，咸淡适中，做佢应该冇落味精，够健康，唔似其他舖头啲罗宋汤通粉咁落足味精，再试吓个面，软硬适中，唔错！跟住再试埋𠮶虾滑，好有虾味，足料虾胶冇沟粉，够弹牙，直竖拇指！试咗呢两样野，感觉可以再帮衬，下次经过就一于试吓腐乳热狗先！顺便支持吓呢啲买少见少嘅本土小食店！