Noodle and Dog (已結業)

在朋友介紹下於午膳時間去試一試去到見到餐牌選擇不多不少,一般在中上環午餐的價錢 不過當碗麵黎到既時間已經食指大動,口水狂吞皆因已經香氣撲鼻,而且他們的糖心蛋"左搖右擺",尤其吸引湯底是重點！我本身不太食得辣,所以叫了少辣,而同行朋友好辣,就更加歡喜他們的麵及湯底叉燒香口野味同腐竹夠滑而且豆卜吸左湯更加辣味香口唯獨有點美中不足的是,對男生黎講份量會有點不足夠但以他們對於烹調食材及湯底的心機,絕對值回票價

As a Brit, I love my pork sausages.Anyway, tried some exotic Chinese sausages with a twist at Noodle and Dog!I liked the spicy preserved black bean bean because you could really taste the black bean and Chinese olives.The spiciness helped to balance out the heaviness of the sausage.The unique Muichoi pork sausage was also good but it had too much fatty bits inside for my liking.

想試呢度好耐，今日終於有幸試到！原來舖頭係咁細間㗎喎，得兩張檯及兩張櫈，好在而家都仲未叫做熱，否則夏天企喺度食真係唔知點算。menu有熱狗及麵，店員話佢哋隻麵係經過嚴選㗎，但嚟得呢度，梗係想試熱狗多啲啦！下次先去希慎分店試埋飯啦秋田犬 ($45)平時食開西式熱狗，都食到有啲厭。難得喺呢度見到一啲好親切嘅食材，例如有梅菜豬肉腸，唔係唔試吓吖嘛！仲有一條好長嘅蟹柳及自家製日式芥末。梅菜豬肉腸，諗住都係勁鹹勁肥咁㗎啦，一啖咬落去試吓... 超級juicy，梅菜嘅數量都非常多，差不多啖啖咬落去都食到，又唔會太硬，口感非常好，梅菜味香濃但唔會好似傳統中菜咁鹹。配合日式芥末醬一齊食出奇地夾，諗唔到會咁好味，食完真係念念不忘！食完之後同店員傾計，原來佢哋喺希慎嗰邊有賣羅漢蛋，即係用羅漢果煮嘅蛋？！有幸俾咗半隻我試吓，蛋黃味好香好滑，但滷水味似乎多過羅漢果味喎！但我非常欣賞佢哋嗰種堅持及創意，而且待客態度熱情認真，香港本土嘅熱狗真係要幫襯吓啊！

放工後和女朋友有點肚餓，所以就去了noodle and dog 醫一點肚。裡面有很多新穎款式的熱狗，我們就選了秋田犬(含熱狗腸，火箭菜，洋蔥，蟹柳，日式芥末醬和柴魚片)回家打開後，裡面的料也十分的多，廚師還很細心的將熱狗切開兩份。第一口咬下去後，感覺麵包頗為普通。反而袐製芥末醬十分特別，辣口之餘不會攻鼻！可是裡面的蟹柳只是超市貨色，柴魚也不搭配熱狗，靚點之選是洋蔥和火箭菜的熱度控制得很好！所以下次會試一下它的Sheep Dog啦！

Hit爆「糖廠街市集」直擊❗集齊哂近期最Hit的人氣食店👍🏼正❗️逢星期日來一個外國版「掃街」都唔錯呀😚Noodle and Dog 的海皇狗🌭 ($120)創意指數爆哂燈💡估唔到熱狗crossover海膽可以咁好味架🌊🌭海膽超鮮甜回甘🌟好巨型呀❗️口感超creamy仲會漿住個口架👄一入口就緩緩溶化😚溶化埋我個心呀❣😂香腸即叫即烤🔥鎖住肉汁🔒皮脆內軟。爽口彈牙正呀！😁簡直係雙重味覺享受😆重點值得一提係熱狗選用的麵包🍞甜包質地加上牛角包的脆脆外層！👏🏼一咬開超鬆化🤓外脆內軟😋係會食到成枱都係碎果種😂鬆化中帶creamy層次感滿分！💯👍🏼

一直想試呢間小店...今日終於有機會!去到係櫃檯前企左陣，諗唔到食咩好，就問老闆有咩好推介，佢問我肚唔肚餓，然後推介我試腐乳狗/麵狗...我揀左腐乳狗~最愛試特別野😆睇住老闆即刻整，整完又特登叫我影張相先，等我影完，佢再用張紙包好，咁我就唔駛整污糟隻手...咬一口個包，發現唔係普通麵包，係牛角包呀!好邪惡呀!!雖然口感係好d,但就會比較乾身...熱狗腸比一般既粗同帶有辣味(可揀唔辣)，好滿足既口感! 最特別當然係腐乳醬，因為我唔太鐘意食腐乳，所以只會用特別黎形容...熱狗仲有火箭菜...令成個包既味都清新d同無咁滯 另外一提...我揀左堂食，雖然有枱係路旁，但無櫈坐...同時都有好多車同人經過(會望住你)，如果怕塵或其他人望既人...都係外賣比較好!老闆最後仲提我要like佢地fb and下次再黎試，極like心機誠意小店!!!!

在上年 7月尾，經過上環皇后大道中 Noodle and Dog，原來已轉手！  之前，吳嘉龍有份投資的 Noodle and Dog，只供應款式寥寥可數的麵及熱狗，相對比較乏味，吸引力不大！  現時的 Noodle and Dog 則大玩熱狗口味！  Menu 耳目一新，給食客帶來無限驚喜及新鮮感！ 供應：熱狗、湯、麵、沙律、小食主打：熱狗 $25 ~ $39 (熱狗食物名稱玩味之餘，口味上亦玩味！  我欣賞其創意口味！:like  每月限定熱狗 $69還有湯 $18、麵 $25 ~ $30、沙律 $25、小食 $15 ~ $25由上年 8月幫襯至今，其 Menu 有些食物已加價 $5！加價幅度驚人！  然而，起初只得 5 款熱狗，現時已供應 6 款熱狗，另有每月限定熱狗！ 唯獨是熱狗賣開 $39 依然是 $39；後期加推每月限定熱狗 $69！卻是價錢嚇人！ 如果，恐怕平日中午時間等得耐的話，可先致電店子先落單，去到店子便付款並取得食物，好讓大家節省時間！ 店員們都幾有禮貌，如果我在猶豫買什麼好？她會推介美食給我！ 給人感覺熱情主動，又為店子利益著想！設有堂食 (

講到chill，上環就最多好野簡了。今次黎到呢間細細但質素好高的noodle and dog，熱狗抑或其他小食我都是一試難忘。Menu好得意調皮，而家都有design過，食落都開心啲，$40左右一個高質素熱狗真係難少少搵。叫左一個腐乳狗同秋田狗，仲有得簡條腸要辣定唔辣，任君選擇。再叫多左個溫泉蛋沙律，三樣野都係一百零幾，上環食野好難食到咁平嘅。兩隻狗都好足料，腐乳狗入邊有火箭菜做底，有汁嘅腸係中間，上面再鋪上紫洋蔥同京蔥，再用辣椒乾做點綴，腐乳醬味道好重，鍾意食腐乳嘅一定食到笑。秋田狗就都係火籠菜做底，中間有腸之餘仲有超長蟹柳，加上柴魚片，紫洋蔥同特製日式芥末醬，味道一流，不過呢隻芥末同ikea嘅唔同，食到有點想喊，芥辣味重。不過熱狗包皮有點硬。溫泉蛋沙律好食，醬係落日式芝麻醬，大家不妨試試。提提大家，鋪面真係唔係比你堂食，得兩三個位立食，所以大家預左呢樣先好去。

因為朋友介紹加上鍾意食熱狗 亦見佢地既熱狗幾創新同特別就試下啦首先叫左熱狗之後店員非常細心 見我地有2人會詢問洗唔洗切開兩份比你地share呀 腸仔有分要辣定唔辣 同埋熱狗係即叫即整既 開放式廚房比你見到點處理 廚房亦企理乾淨試左洋蔥狗同埋叫左個蕃茄湯 洋蔥狗係落足料 熱狗上面係佈滿左炒熟既洋蔥同火箭菜 隻熱狗非常大隻 火箭菜食落口係新鮮既 腸亦係熱辣辣多汁啖啖肉味 同埋個包唔會乾爭爭食落口係軟軟地岩岩好 好好食(熱狗可自行選擇落咩醬料 eg.茄醬 芥末醬 沙醬 etc...) 朋友就叫左麵狗 麵狗上面亦係鋪滿左麵 非常抵食!蕃茄湯都有驚喜 啖啖都係蕃茄蓉 唔係出面溝晒水無蕃茄既湯覺得店面上既餐牌都做得好得意 熱狗既名 甚至連icon亦非常可愛下次會再去試下其他味既熱狗~ 

同事介绍話公司附近開左間熱狗店,今日終於有機會試下。我去到都無諗頭想叫乜野,因為啲名好得意,有秋田狗,有腐乳乳狗,麵狗,純種狗。根本都唔知揀邊款好, 我叫店主推介一款比我, 佢話狗皇係佢地既Signature, 一開盒見到啲XO醬好多,加左少少檸檬皮,非常好味。啲ⅩO醬好足料,基本上全部係亁瑤柱,以$69呢個價錢真係好底。個飽同腸都係即場製作,熱辣辣,冬天食一流! 另外叫左蕃茄湯亦都係用心製作, 新鮮蕃茄加小許herbs, 都只不過是$15以係中上環地方真係好難揾到咁平! 除左狗皇$69之外, 其他熱狗都只是賣$25-$39,真係貨真價實. 一定會再去試下其他items.

I am a New Yorker working at Cosco Tower Central for a couple of years. I love exploring new restaurants and food joints within 200 meters. Today I walked towards Queen Road West and I found a very unique hot dog stand. The mix and match style of their hot dogs and snacks really impressed me.I had a Krypto dog topped with XO sauce and sprinkled with lemon rind. The XO sauce was not a ready made sauce but a homemade specialty. It was not spicy but yet full of aroma.  It matched tremendously with

那天放假經過屋企附近的熱狗小店時剛下雨☔,正好也有點肚餓就試了最簡單的洋蔥熱狗,我最愛試一間食店裏最簡單的款式,個人認為簡單最能表現實力,先講個包🍞有咬口夠煙靭得好味配合埋條香腸夠肉味及多汁外皮帶脆比例剛好,洋蔥也弄得香口野味,之後還買了蕃茄湯麵加虾滑回家，蕃茄🍅湯明顯自己㷛及用足料，有d似第一次用足心㷛比❤男朋友飲的那種用料而麵也不錯,最最要提係虾滑🍤新鮮有虾的鮮甜及口感應加了馬蹄,似亞媽用手💪打嗰種出品,小小熱狗店款式選擇不多,但今次試之食物也相當有水平👍😋,心想又多一個美而廉的選擇!😊

尋日喺上環蘇杭街見完客仲未食晏，諗住求其食少少就搭地鐵趕返公司，途中經過呢間 Noodle and Dog，由於太肚餓，於是就二話不說衝入去醫肚，睇咗餐牌，啲野食名都幾得意，速食得黎仲要中西fusion，例如腐乳熱狗，都幾有諗頭，我就穩陣啲叫咗個蕃茄湯麵同蝦滑，食麵之前梗係飯啖湯先㗎啦，呢個蕃茄湯好濃郁好足料，咸淡適中，做佢應該冇落味精，夠健康，唔似其他舖頭啲羅宋湯通粉咁落足味精，再試吓個麵，軟硬適中，唔錯！跟住再試埋嗰蝦滑，好有蝦味，足料蝦膠冇溝粉，夠彈牙，直竪拇指！試咗呢兩樣野，感覺可以再幫襯，下次經過就一於試吓腐乳熱狗先！順便支持吓呢啲買少見少嘅本土小食店！

有一日同朋友經過皇后大道中，發現有一間外型非常醒目，以黑，白同啡色作主調嘅外賣熱狗店。其實一見佢個logo，就已經好鍾意😁本着試新野嘅心態就去試一試，看到餐牌，原來佢哋d熱狗名都好特別，有秋田犬啦，純種狗啦.... 經店員(後來發覺是老闆)介紹之後，就試下佢哋連餐牌都未有寫上嘅新出品－XO醬狗皇，同煎腸粉加蝦滑！首先用XO醬配熱狗就真係從未試過，香腸可以自由選擇，我就選咗唔辣嘅。一啖食落去，d XO醬辣辣地相當野味，最特別係上面加咗一絲絲黃色嘅鮮檸檬皮，令到成隻熱狗冇咁油膩，反而多了一份清新嘅味覺，令味道充滿層次感，值得推介！熱狗嘅包裝也很細心，方便客人進食。至於腸粉，非常幼滑，加了大量蔬菜，調味適中，感覺非常健康。最特別係佢哋嘅手打蝦滑，混入了馬蹄，味道鮮甜，爽滑，絕非一般行貨。一吃便愛上了😋雖然全程立食，不過由於老細非常健談，不斷會介紹下佢哋其他出品，如腐乳醬熱狗，湯麵嘅湯底係全無味精呀，所有食品可以自由配搭等等。甚至乎佢哋嘅經營理念都分享一下！比人一種小店獨有嘅親切感，令人有一種非常愉快嘅用餐體驗。一定會找機會再來，繼續試下佢哋其他嘅出品！

今日行過皇后大道東，見到新開一間招牌幾得意小店叫Noodle & Dog。店面不大，門口只得兩張枱立食，應該主打外賣。入去𥄫吓佢個hot dog menu幾新穎,又秋田犬,又腐乳狗 ,好fusion吓 穩陣d叫咗隻洋蔥狗$39，香腸只可選辣與唔辣。由於即叫即製關係,都等咗7-8分鐘。隻洋蔥狗真係好足料，炒香咗嘅洋蔥堆到山咁高（太肚餓唔記得影相）,重有生洋蔥同火箭菜,食嗰時多到跌哂出嚟。麵包同香腸因為有烘過,所以外脆內軟。食之前重有十幾種醬汁同配料可自由添加,不過乜都唔加都已經好好味意猶未盡叫多個蕃茄湯麵配蝦滑，店員話蕃茄湯同蝦滑都係每日新鮮自家製作，就俾次機會你 不負所望蕃茄湯並非坊間其他食店用茄汁加水敷衍了事，食得出用大量蕃茄泡製，飲哂都唔口渴。蝦滑亦有水準，調味適中，新鮮唔㑹成舊粉，如果製作過程撻多兩下可以更彈牙就更好。大熱天時，堂食完兩樣已好飽兼且大汗淋漓，下次encore外賣拎番公司慢慢嘆