豆公館

营业中

休息中

经过旺角见到有间门口系落地玻璃嘅食店，原来系豆类制品嘅荳品店，装修以木系为主，感觉都几新潮，另外开放式厨房可以见到店员炒面同煎豆腐嘅模样，环境好舒服，枱与枱之间都有距离，唔会话太迫。✨招牌麻婆腐皮蛋饼蛋饼就试得多，但系加埋麻婆酱真系第一次试，首先蛋饼口感柔软香滑，麻酱更系独家自制，够晒过瘾。✨原味豆浆&无糖淡豆浆（热）原味豆浆唔系太甜，好饮。无糖淡豆浆，虽然系无糖，但系好有豆香味，饮一杯真系唔够喉。✨卤水豆卜&鱼肉煎豆腐豆卜完全渗入卤水汁有少少甜甜地，食落带有台湾嘅风味。鱼肉豆腐就煎得好香，豆腐外脆内暖，不过油就多咗D。✨老干妈炒面 & 炒米粉老干妈炒面食落咸咸辣辣，呢个配搭都唔错。炒米粉虽然配搭普通蔬菜，但食落好有镬气，两样比较，个人反而钟意食炒米粉多啲。另外太肚饿嘅话可以叫特盛份量，呢个位又几细心。✨黑芝麻豆腐花豆腐花好滑，好有豆味，上面仲要铺满黑白芝麻，成件事加分。另外要赞一赞店员都好Nice，而且荳品款式好多选择，令我觉得唔使飞去台湾就可以喺香港食到美味嘅早餐店，仲要喺旺角咁方便。