甄記廚房 (已結業)

近七八年都近唔中会去鲗鱼涌食饭，因为总公司喺太古坊。老实讲附近咁多写字楼，揾食真系艰难，亦都唔系咁多好嘢食。前排朋友仔话发现有间餐厅仔啲龙虾汤饭好好食，钟意龙虾汤嘅我一直都想去试，但系一直冇机会。直至寻日过开湾仔开工，于是过去鲗鱼涌揾埋朋友仔一齐食。点知去到冇得食，因为得星期一至四至有，星期六得鸡汤饭。不过既然去到，点都要食一食，鸡汤就鸡汤。个汤我略嫌甜咗少少，不过好多切鸡，而且有髀有胸，好多肉，而且都好多饭，再饮埋杯华田真系饱晒。朋友仔叫咗日式咖哩牛柳粒饭，啲咖哩有少少辣，牛柳粒够晒入味兼腍。讲真间舖就唔系咁好坐，十足街坊舖又冇乜冷气，如果唔系有人介绍我谂真系唔会走入去。不过城市中往往都有惊喜嘅。一定要揾机会试埋个龙虾汤饭。