大發餐廳

营业中

休息中

净𩠌走饭。净食𩠌都要廿几三十蚊，好似唔系咁抵食啰，而且味味都好有光泽，油淋淋、反晒光咁，大发保持一向油腻作风。 味道都好浓吓，食完好颈渴啊。例汤，永远都系不知名既例汤，每次味道都系一样，而且几清淡吓，最紧要够热，可以用黎冲淡吓食完三𩠌既油腻感都唔错，估佢系合掌瓜汤啰。黑椒猪扒、金针云耳蒸鸡。煎猪扒黎架㖞，真有心，好香口几好味，但系干硬左少少，可能太薄身难保存肉汁，黑椒 BB 辣仲咸吓呢，如果捞饭会好好多。金针云耳蒸鸡，全部都系鸡翼啰，金针云耳蒸鸡翼，依然斩到细细旧，知唔知会好多骨碎呢？味道不过不失，鸡翼皮劲滑，肉就鞋烚烚，斩开蒸耐少少肉汁都无晒啦，而且好油呢。洋葱猪扒、菠萝生炒骨、炒菜芯，洋葱猪扒带酒香，猪味浓，有原有质感兼有咬口，腌得入味，洋葱汁比黑椒汁调得好，香中带甜，不咸不浊，好味。生炒骨食到成口都系粉，骨多肉少，酸甜度平平，一试无妨。菜芯都系老左啲，油就唔洗讲啦，但无镬气又不鲜甜仲质地粗糙，唔难食。