原藝

营业中

休息中

朋友生日，想揾间静静地餐厅食饭倾吓偈，上网揾到呢间餐厅，又近我地住嘅地方，就决定嚟试吓。餐厅位置唔显眼，石硖尾地铁站行一段路再上一条楼梯，经过间学校就到啦。餐厅唔大，装修配灯光营造比较温馨浪漫嘅感觉，主要以木为主题，门口系一个画画嘅工作枱，墙上面亦挂住啲艺术作品。我地无叫到set dinner，决定散叫。同埋只要叫佢地嘅menu嘅任何野食都会附送一杯餐饮，真系好抵呀。我地叫咗白酒煮青口，青口新鲜好味，个汁好清甜，好香浓，可惜太少啦，我同朋友一人一啖清埋个白酒汁。🤤蒜香鸡翼，炸到好香脆，味道唔会好咸，亦唔会好油，强烈推介！下次可以再encore。🥰另外叫咗龙虾汁虎虾意粉，每条意粉都沾有龙虾汁，浓郁嘅龙虾味，虎虾反而有啲唔够弹牙，但都剪得香口，唔错唔错。😋甜品叫咗柠檬挞，酸味啱啱好，有清新嘅柠檬香，个挞皮又够脆，可以食多几个都唔觉漏。餐厅亦都好贴心咁写埋happy birthday，朋友都好开心。🥳平日夜晚唔多人，个晚有两三枱客人，坐得舒服又够静，啱哂同一两个朋友聚会或者同另一半平时拍拖嚟食。呢间餐厅绝对系用心烹调食物，而且价格非常合理，有机会会再嚟试吓menu上面其他菜式。