影片
更多
2024-05-04
6170 浏览
趁今日中午无咁忙，一于就约埋成班好友叹返餐茶，一尝优质既点心🤟🏻位于荔枝角嘅「大公馆」点心同粤菜都好有水准✨重点系主厨常以创新手法，融和优质食材及传统点心手艺，炮制出色香味俱全既点心，一于去撑下场先😋😋———————————————————🔹 黄椒酱鳕鱼饺鳕鱼饺皮薄馅靓，鱼肉咬落鲜甜，肉质嫩滑，搭配特调既黄椒酱，微微酸辣，更能带出鱼肉鲜味！———————————————————🔹 黑鱼子流心鹌鹑蛋烧卖卖相够晒精致嘅烧卖，特别加入粒粒香脆既黑鱼子混合肉馅，口感非常丰富～重点系流心鹌鹑蛋蛋浆，令成个组合入口宁舍绵滑，高质之选！———————————————————🔹 金瑶菠菜苗龙虾饺材料丰富！龙虾饺用上爽弹鲜味龙虾肉，入口啖啖满足，再结合金黄色既瑶柱丝及嫩滑菠菜苗，晶莹剔透，层次感丰富～———————————————————🔹 瑶柱冬蓉灌汤饺灌汤饺系我最期待既菜式！先讲个汤底，清澈得黎，鲜味十足，中间既汤饺胀卜卜，馅料加入软绵冬瓜蓉、瑶柱及肉碎等馅料，热辣辣食落够哂暖胃！———————————————————🔹 黑毛猪咸水角猪仔造型既水角，够哂突出！外层炸至金黄香脆，咬落烟烟韧靭，馅料及酱
位于荔枝角嘅「大公馆」点心同粤菜都好有水准✨重点系主厨常以创新手法，融和优质食材及传统点心手艺，炮制出色香味俱全既点心，一于去撑下场先😋😋
———————————————————
🔹 黄椒酱鳕鱼饺
鳕鱼饺皮薄馅靓，鱼肉咬落鲜甜，肉质嫩滑，搭配特调既黄椒酱，微微酸辣，更能带出鱼肉鲜味！
———————————————————
🔹 黑鱼子流心鹌鹑蛋烧卖
卖相够晒精致嘅烧卖，特别加入粒粒香脆既黑鱼子混合肉馅，口感非常丰富～重点系流心鹌鹑蛋蛋浆，令成个组合入口宁舍绵滑，高质之选！
———————————————————
🔹 金瑶菠菜苗龙虾饺
材料丰富！龙虾饺用上爽弹鲜味龙虾肉，入口啖啖满足，再结合金黄色既瑶柱丝及嫩滑菠菜苗，晶莹剔透，层次感丰富～
———————————————————
🔹 瑶柱冬蓉灌汤饺
灌汤饺系我最期待既菜式！先讲个汤底，清澈得黎，鲜味十足，中间既汤饺胀卜卜，馅料加入软绵冬瓜蓉、瑶柱及肉碎等馅料，热辣辣食落够哂暖胃！
———————————————————
🔹 黑毛猪咸水角
猪仔造型既水角，够哂突出！
外层炸至金黄香脆，咬落烟烟韧靭，馅料及酱汁浓郁，系一款怀旧传统既点心！
———————————————————
🔹 麻辣鸭红鸡丝春卷
春卷就食得多啦，呢款加入麻辣鸭血嘅春卷，我就第一次试，估唔到咁出色！
馅料加入嫩滑既麻辣鸭血丝，口感滑顺够刺激，再加上木耳丝及鸡丝等材料，味道特别香甜！
———————————————————
🔹 龙皇脆米肠粉
叹点心又点少得叫返款肠粉，咁至够满足！
龙皇脆米肠粉，材料层层分明，虾肉爽弹鲜甜，结合埋嫩滑既肠粉及脆卜卜既脆米，香口又惹味！
———————————————————
🔹 金沙冬蓉手袋酥 及 金箔怀旧芝麻卷
最后当然要食埋传统怀旧嘅点心甜品，为呢餐画上完美句号！
首先系金沙冬蓉手袋酥，果然系巧手之作～手袋造型嘅酥皮包住香甜嘅冬瓜蓉，无论卖相及味道都冇得弹！
另一款金箔怀旧芝麻卷，而家都好少地方有得供应～芝麻卷口感够哂软糯，黑芝麻味道超浓厚，而且入口香甜，食落零舍滑顺，超正！
———————————————————
🌟餐厅：大公馆
地址：荔枝角长义街9号D2 Place ONE 10楼
张贴
