家賀屋

啱啱去完欧洲返香港，我地嘅日本胃非常之肚饿。咁啱喺铜锣湾行完街揾到一间装修唔错，又多好评嘅居酒屋。佢嘅位置都几方便，喺希慎广场行一阵就到。等䢂上去嘅大堂都非常靓。坐低咗之后侍应哥哥都好好帮我哋斟热茶，同简单介绍左今日有啲咩套餐同埋优惠。咁耐冇食日本嘢，我哋当然唔客气咁叫啦，我哋叫咗一个龙珠卷，葱吞拿鱼腩海胆丼饭套餐，𩽾𩾌鱼肝寿司，两只令和怪物生蚝同埋一份清酒煮蚬。海胆龙珠卷一打开餐单，已经俾佢个样吸引住，寿司饭包住吞拿鱼海胆同香浓嘅蛋黄，寿司上再加上少少金箔点缀，非常高贵。食嘅时候感受到食材喺口里面嘅化学反应，好特别！葱吞拿鱼腩海胆丼饭套餐每次我食丼饭都必定会叫葱吞拿鱼腩，今次仲可以配搭埋海胆！葱吞拿鱼腩食落既有葱香而且有油香，海胆食落新鲜，最特别系啲醋饭，相信系师傅特别处理过，有微微嘅豉油色调，食落有饭香加上微微嘅甜味令和怪物生蚝生蚝嚟讲，最紧要鲜甜，够Creamy，佢两样都做得好好，每只都有大约250克，绝对满足到口感𩽾𩾌鱼肝寿司鱼肝好香，师傅有喺鱼肝上面加上香葱同少少奖料做点缀，卖相同味道都好正