鮨政 (已結業)

今天女朋友中午黎揾我吃饭，我带咗佢嚟呢间食过两次都印象深刻嘅日式餐厅。印象深刻嘅原因第一系每次嚟到都会荡失路，因为佢个位实在系太隐蔽，第二系佢啲嘢食真系好高质，性价比好高。我哋叫咗两个午餐，分别系寿司拼盘同埋鳗鱼饭。两个午餐都附送沙律、蒸蛋同埋面豉汤。保证食到饱！寿司拼盘一共有10件寿司，师傅喺每件寿司入边都摆好芥末，非常正宗嘅日本做法，特别钟意食件带子寿司、同埋三文鱼腩好肥美。鳗鱼饭味道都系非常之好，鳗鱼汁甜道啱啱好，鳗鱼嘅口感都唔错，唔会摆入口即刻散晒。总括来讲，喺中上环来讲有咁嘅日本餐厅用咁嘅价钱食得到咁嘅质素都系相当之值得一试。