風車

营业中

休息中

难得今日系假期，决定同阿仔一齐去食个休闲午餐。风车系收藏咗好耐嘅小店，终于有机会去试一次喇。到达餐厅时约1:30，基本上系满座的。午市套餐嘅选择甚多，汉堡餐有六个选择，非汉堡则有十款，而且价钱十分亲民。因为已好耐冇食burger，我要咗个流心蓝芝士牛肉汉堡，阿仔则要咗一份酱烧猪扒土耳其三文治，另外加钱要两份法式龙虾汤，餐饮就要咗两杯冰水果茶。好耐冇饮龙虾汤，碗汤嘅味道又真系几鲜美，算喺有个小小惊喜。至于个牛肉汉堡对我嚟讲算系有少少中伏，但系这不是餐厅的错。之前阿仔话蓝芝士几好味，所以我都想试吓，但依家知道原来这不是我杯茶，下次亦都唔会再想要食佢。蓝芝士虽然唔好味，但系块牛肉本身肉汁都几好，应该是手打的，钟意食蓝芝士嘅人应该会喜欢尼个套餐。阿仔要嘅酱烧猪扒土耳其三文治卖相甚吸引，佢话味道亦非常唔错。跟餐仲有些少少沙律同埋薯条做配菜，咁嘅价钱真系算系咁喇。今次系第一次嚟试食，我对它餐牌上其他食物都十分有兴趣。晚市堂食开番后一定会同屋企人嚟再次帮衬。