Griller (已搬遷) 新店位置

首先，最基本串烧铺有得食嘅嘢佢哋都有，茄子、金针菇、鸡肾等等嘅基本野一应俱全，除此之外，佢哋仲有醉猪手吖，手撕鸡吖𠮶啲嘢，想饮酒吹水谈心，或者睇波，佢哋仲有大啤饮，好似有蓝妹同埋唔知咩，仲可以叫个鸡泡鱼干嚟送下酒，同埋佢哋个牛扒真心正，唔好睇佢上碟切开咗好似好少咁，其实睇佢烧𠮶阵成块系劲大块！！！而我本人黎讲，最钟意食嘅都系𠮶度嘅沙律丸，真心烧得超级好食，去亲都会叫几串黎咬下，可惜间铺系喺风口位，天气冻去食就最好带多件衫。