回家湘

营业中

休息中

佐敦嘅吴松街都有好多美食，今次就来咗呢间食湘菜嘅回家湘！餐厅主打新鲜现炒嘅地道湖南菜～天气开始冻，餐厅最近推出咗暖冬晚市套餐，有羊腩煲同鸡煲可以食～鲜炒黄牛肉💰HK$148用咗吊龙同埋雪花呢两个部位嘅牛肉猛火爆炒，肉味浓郁，而且嫩滑多汁！另外仲有酸菜、辣椒等等去提升炒牛肉嘅香味，底部仲有热炉维持住温度～外婆炒蛋💰HK$77炒蛋蛋香浓郁，配搭咗爽脆嘅青椒粒，加入咗香醋去调味，味道微酸微辣，口感亦好丰富～麻婆豆腐💰HK$78豆腐嫩滑惹味，再加埋鲜嫩嘅肉碎同埋惹味嘅酱汁，味道经典～龙骨野藕汤💰HK$138味道与别不同，除咗有鲜甜味之外，仲带有淡淡嘅胡椒味！莲藕嘅份量亦非常足料～五常米饭💰HK$12白饭粒粒分明，用来捞惹味小菜就最适合不过啦～百事可乐💰HK$10水💰HK$10