不倒翁中日火鍋料理

营业中

休息中

谂起打边炉就去咗佐敦，贪呢度选择较多，今日去嘅餐厅都几出名，而家见到佢做好多特价，所以都值得试一试。叫咗个清润椰青文昌鸡锅（半只）套餐$888，汤底系清润嘅椰青同埋椰青水，上枱就已经闻到幽幽嘅清香，一啲都唔会燥，文昌鸡皮薄肉比较结实，肉味香浓，肉甜味几突出。海鲜盘有南非鲜鲍鱼，元贝，靓桶蚝，新鲜斑片及海生虾。其中海虾非常新鲜，入口好弹牙虾。南非鲍鱼入口爽脆弹牙鲍鱼味鲜甜。安格斯手切肥牛另加$100可以加大。牛肉嘅油花非常漂亮，入口肉质好嫩滑，相对肉味较淡。自家店的水饺皇，中间有木耳丝，口感弹牙。跟餐饮品有竹蔗茅根或酸梅汤，味道自然又清热气。餐厅食物质素高价钱合理，装修几舒服，坐低打边炉都唔会太迫涩。