影片
更多
2025-01-30
0 浏览
高质嘅食材、浓郁嘅汤底系打边炉嘅基本盘，但同成班friend兴兴奋奋打得火热之际，个店员同我哋讲够钟，真系好扫兴呀！所以要揾间无限时放题火锅或超长时间放题打边炉先够尽兴。嚟到佐敦嘅锅霸吃到饱台式养生火锅，用餐时间多达4个半钟，大家倾得饱又食得够饱，咁先至满足。火锅汤底火锅汤底有成20款，由寿喜烧汤底、麻辣汤底、椰子鸡汤底到药膳养生花胶鸡汤底、养生虫草花桃胶鸡汤底等，有辣有唔辣，有淡有浓口味，任君选择，而我哋就拣咗田园蕃茄浓汤鸡肉涮涮锅同药膳竹笙杂菌锅。浓稠嘅蕃茄汤非常香浓，味道酸酸甜甜，够晒醒胃！至于药膳竹笙杂菌锅系我哋嘅推介，杂菌嘅香味真系一试难忘，特别系将啲蔬菜、粟米放入药膳竹笙杂菌锅，完美索晒清香嘅汤底，提升至另一种鲜甜味。前菜店员贴心先上两款前菜，包括凉拌黑本耳同拍青瓜，等紧汤底上枱前都可以食住等，预先帮我哋醒胃！美国牛肩胛肉同唔少火锅放题一样，餐厅根据牛肉嘅质素，定为不同价钱，我哋就拣咗Lv2嘅美国牛肩胛肉。以呢个价钱嚟讲，呢个美国牛肩胛肉确实抵食，油花分布平均，估唔到仲有云石花，牛肉味香浓，值得一再encore！西班牙无激素猪肉片至于猪肉方面，锅霸吃到饱台式养生火锅选用西班
火锅汤底
火锅汤底有成20款，由寿喜烧汤底、麻辣汤底、椰子鸡汤底到药膳养生花胶鸡汤底、养生虫草花桃胶鸡汤底等，有辣有唔辣，有淡有浓口味，任君选择，而我哋就拣咗田园蕃茄浓汤鸡肉涮涮锅同药膳竹笙杂菌锅。浓稠嘅蕃茄汤非常香浓，味道酸酸甜甜，够晒醒胃！至于药膳竹笙杂菌锅系我哋嘅推介，杂菌嘅香味真系一试难忘，特别系将啲蔬菜、粟米放入药膳竹笙杂菌锅，完美索晒清香嘅汤底，提升至另一种鲜甜味。
前菜
店员贴心先上两款前菜，包括凉拌黑本耳同拍青瓜，等紧汤底上枱前都可以食住等，预先帮我哋醒胃！
美国牛肩胛肉
同唔少火锅放题一样，餐厅根据牛肉嘅质素，定为不同价钱，我哋就拣咗Lv2嘅美国牛肩胛肉。以呢个价钱嚟讲，呢个美国牛肩胛肉确实抵食，油花分布平均，估唔到仲有云石花，牛肉味香浓，值得一再encore！
西班牙无激素猪肉片
至于猪肉方面，锅霸吃到饱台式养生火锅选用西班牙无激素猪肉片，肉味香浓，肉质软腍，同样高质。
海鲜
除咗牛肉同猪肉之外，海鲜都系唔少人打边炉嘅焦点。锅霸吃到饱台式养生火锅嘅海鲜包括蚬、生猛海虾、脆鲩鱼片、脆骨腩、白鳝片、新鲜鱼云、深海鱼柳等，其中蚬肉大大粒，非常鲜甜！
其他火锅配料
锅霸吃到饱台式养生火锅嘅火锅配料选择非常多，特别推介自家手工制作嘅丸类同饺类，包括手工墨鱼丸、手工黑松露墨鱼丸、手工黑松露墨鱼滑、手工潮汕猪肉丸、手工梅菜猪肉丸、手工麻辣牛丸、手工牛丸、手工白菜猪肉饺、手工韭菜饺、手工香菇鸡软骨饺、手工麻辣栗米猪肉饺等，全部都非常新鲜！
自家饮品
除咗汽水、罐装同纸包装饮品之外，锅霸吃到饱台式养生火锅都有提供唔少自家出品嘅饮品，例如自家乌梅山楂茶、台湾黑糖冬瓜柠檬茶、冷泡桂花乌龙茶等，够健康之余又解渴！
雪糕
食饱饱就梗系要食雪糕啦！锅霸吃到饱台式养生火锅提供Häagen-Dazs、Mövenpick同DREYER'S®嘅雪糕同甜筒，作为饭后甜品，非常满足。
张贴
