影片
更多
2024-07-24
288 浏览
咁啱同另一半讲起好耐冇食铁板烧，佢揾咗阵资料就同我讲不如试吓呢一间。个位置唔难揾，但系门口都几神秘。份量对我嚟讲啱啱好，但系每一道菜都感受到个厨师真系有落心机处理，食完觉得好满意。‣ 入门厨师发板套餐（五道菜） $588‣ 季节厨师发板套餐（七道菜） $788· 烟三文鱼沙律佢嘅烟三文鱼沙律嘅调味好出色，对我嚟讲食得好舒服，柚子汁同埋黑醋汁平衡得好好，隔离仲有个酸酸甜甜嘅龙珠果俾你开胃先。而佢嘅鱼子酱点缀都好好，冇咩好挑剔嘅地方。· 前菜系包括喺七道菜入面，同样都有鱼子酱作点缀。为咗提升蛋嘅香味，仲特别加入咗白松露汁，就算捞匀咗嚟食其实都食到本身鱼子酱嘅咸香、白松露佢本身细腻嘅香，同埋蛋本身嘅浓郁，个人都几钟意。· 铁板海鲜两品五道菜同埋七道菜都分别可以拣几款海鲜，我哋拣咗带子、鲍鱼、白鳝同埋虎虾。带子煎到外脆内嫩，鲜甜多汁，搭配少少嘅盐作调味，味道简单但出众。鲍鱼同样煎得刚刚好，口感够弹牙，同埋隐约食到淡淡嘅酒香，相信系认真处理过先可以突显到鲍鱼嘅香味。而白鳝外皮香脆，嫩滑而且唔腥，个处理好唔错。至于虎虾，搭配隔离嘅虎虾膏汁，更加食到肉质本身嘅鲜甜，同样都系好满意。· 澳洲牛柳粒超级
‣ 入门厨师发板套餐（五道菜） $588
‣ 季节厨师发板套餐（七道菜） $788
· 烟三文鱼沙律
佢嘅烟三文鱼沙律嘅调味好出色，对我嚟讲食得好舒服，柚子汁同埋黑醋汁平衡得好好，隔离仲有个酸酸甜甜嘅龙珠果俾你开胃先。而佢嘅鱼子酱点缀都好好，冇咩好挑剔嘅地方。
· 前菜
系包括喺七道菜入面，同样都有鱼子酱作点缀。为咗提升蛋嘅香味，仲特别加入咗白松露汁，就算捞匀咗嚟食其实都食到本身鱼子酱嘅咸香、白松露佢本身细腻嘅香，同埋蛋本身嘅浓郁，个人都几钟意。
· 铁板海鲜两品
五道菜同埋七道菜都分别可以拣几款海鲜，我哋拣咗带子、鲍鱼、白鳝同埋虎虾。带子煎到外脆内嫩，鲜甜多汁，搭配少少嘅盐作调味，味道简单但出众。鲍鱼同样煎得刚刚好，口感够弹牙，同埋隐约食到淡淡嘅酒香，相信系认真处理过先可以突显到鲍鱼嘅香味。而白鳝外皮香脆，嫩滑而且唔腥，个处理好唔错。至于虎虾，搭配隔离嘅虎虾膏汁，更加食到肉质本身嘅鲜甜，同样都系好满意。
· 澳洲牛柳粒
超级钟意呢道菜，每一粒牛柳都带有微微嘅炭香。完全唔需要任何酱汁，就咁用简单嘅盐同胡椒调味，已经突显到牛本身嘅天然鲜味。餐厅嘅蒜片都系自己炸，一啲都唔重油腻感，搭配牛柳粒一齐食啱啱好。食到后期仲可以加少少餐厅自己磨嘅Wasabi，食得出唔系加工过嘅Wasabi，味道天然得嚟又可以提升牛肉嘅香味。
· 菊花豆腐白面豉汤
上菜嘅时候，佢话今日帮我哋upgrade咗做龙虾面豉汤。老实讲个样真系其貌不扬，但系饮落去嘅时候觉得相当惊喜，极度浓郁嘅龙虾味，我饮嘅时候就见到龙虾膏喺入边，冇谂过原来两只嘅味道系咁夹。可能因为完全冇期望，结果超出我嘅期望太多，忍唔住用咗好多篇幅嚟讲呢一碗汤。
· 黑松露海鲜炒饭
黑松露味真系好出，完全唔使担心个海鲜炒饭冇海鲜味，因为仲有三文鱼子帮手。我好钟意食嘅时候隐约食到饭焦嘅感觉，啲饭粒脆卜卜，最值得赞赏系唔会话好干身，份量啱啱好几啖就食晒。本来又系冇谂过个炒饭咁好食，又系出乎意料之外。
· 时日甜品
今次个甜品就系紫薯雪糕配大马士革玫瑰，味道正正常常，食落去感觉系舒服嘅，唔会话太甜。但系我觉得最得意嘅都系𠮶啲好似爆爆珠嘅红豆，变相红豆嘅时候又会食到啲唔同嘅口感，几有趣过瘾。
‣ 菊正宗纯米 $99
真系要赞餐厅好贴心已经将冰桶准备好，而且个酒杯都好靓，应该系十二生肖系列，我哋就有一只老鼠仔同埋马骝仔。我自己都几钟意菊正宗，口感清爽得嚟，入口都好顺滑，唔会过分烈，系一款好优雅嘅酒，我觉得好适合衬铁板烧食住饮。
张贴
