We Corner (已結業)

寻日同朋友仔行过，决定食呢间coffee shop，发现有意外惊喜。由于本人喜爱食小龙虾牛角包，所以见到Menu上面有，毫不犹豫就拣咗佢。我哋两个餐都有餐前汤，味道唔系话好浓郁，暖暖的，有少少似系罗宋汤，但系我朋友仔话系蕃茄汤。小龙虾嘅份量都算足够，咬落去相当嘅弹牙，重点系佢搭配左番薯薯条，炸得刚好，每一啖咬落去都系满满嘅番薯，可以话完全唔使担心食一个牛角包唔够饱。我朋友仔拣咗个手撕猪肉面，啲肉好入味，而且听讲佢啲面系手工面，我哋睇到佢啲面系有似系公仔面少少弯弯的，比较吸取到啲汁上嚟食。海盐焦糖奶昔，我劲钟意，我拣咗少甜，所以成杯野唔会饮几下就觉得太漏。上层啲cream好滑，再加上饮落去有一啲一粒粒嘅海盐，将成个味道再提升一个层次。热朱古力，我朋友仔都系嗌咗少甜，朱古力味都算浓郁，饮落去都好滑。