上海灘

营业中

休息中

本身有去开葵芳间壹茶饮佢个好出色嘅oreo蛋糕奶茶，不过𠮶日去到竟然成间铺唔见左，换左“上海滩”😱。行近啲望下个menu，见到蛋糕奶茶依然喺度🤤，仲多左最近好hit嘅黑糖珍珠鲜奶。我同男友嗌左杯oreo蛋糕奶茶同埋oreo黑糖珍珠鲜奶。Oreo蛋糕奶茶依旧出色，个蛋糕酱好滑好香，沟埋啲oreo碎同奶茶，成杯更加香滑！不过略嫌唔够多蛋糕酱，唔系啖啖都饮到蛋糕味🤔。整体而言，呢杯都可以话几啱oreo fans嘅口味🍪💕另外个杯oreo黑糖珍珠鲜奶就真系世界级难饮！系我饮过咁多间最难饮𠮶间🤢！一开头饮落已经唔重黑糖味，所以成杯野一黎已经好淡口👎🏿。之后拎住杯野行住街饮，啲冰开始溶，又再加上搅匀完啲oreo碎沉底，一饮落去本身expect应该要有嘅黑糖味奶味全部都饮唔到。反而饮到奶水冰味同完全唔夹嘅oreo碎🤢🤢🤢，真系冇得再难饮！总括而言，推荐大家试佢地嘅蛋糕奶茶，但绝对唔好嘥钱贪新鲜试黑糖珍珠鲜奶。