德美壽司

营业中

休息中

中午12点入座，侍应不停催促我地落单，我地落左先，然后等另一朋友来到再加单。朋友12：25来到，侍应同经理不停讲“快d 落单喇，你地1点要交枱”，我当场下左一声，经理好似训导主任咁话我“系呀，lunch食一个钟”。我地话“我叫嘅餐仲未到，你又催我1点交枱订，我点食得切”，跟住朋友即刻落一个餐。5分钟后，𠮶两份餐同步上枱，经理黑口黑面好无礼貌咁讲“即刻比你喇，而家食得切啦”我地好快咁食，佢地12：50清枱，12：53递张单比我，然后我地12：55离开。全程好似我地做错野咁、我地唔应该入来消费、唔应该比$388叫四个午餐、唔应该要经理同侍应做野。经过今次，真系唔会再去。