影片
更多
2024-05-10
2468 浏览
🌟餐厅：龙逸轩（九龙酒店）📍地址：尖沙咀弥敦道19-21号九龙酒店2楼💰价位：～$200 - $400⏰营业时间：星期一至日07:30 - 21:30📱电话：27343722今时今日，想叹番餐怀旧传统既手工中菜，又想坐得舒舒服服、环境优雅，绝对系可遇不可求👀👀作为中菜界天花板嘅九龙酒店✨龙逸轩✨就推出左全新既怀旧手工晚宴，一围八位用，人均唔使$800，已经包含加一服务费及茶芥，一个价钱就可以叹尽全港最高质之一嘅中菜🎊性价比极高👍🏻👍🏻———————————————————🌟怀旧手工晚宴🌟🔹大红香芒乳猪讲求刀工及火候控制嘅菜式！乳猪肥瘦适中，外皮卜卜脆，油脂及肉质好balance，由自家烧味部厨师主理，火喉一流！摆盘亦够晒精致，加入一片片清香既芒果，层次分明，又可以中和乳猪既油腻感，成个组合够晒出色！🔹菜胆螺头炖海参原汁原味炖汤，够晒养生！用料矜贵，螺头加海参呢个组合鲜味十足，够晒滋补，汤头清甜得黎又滋润！🔹桂花炒鱼翅材料丰富，鱼翅经多重工序混合蛋丝及配料炒至干身，条条分明，层次感十足！鱼翅入口Q弹，配料丰富，值得一试！🔹砵仔焗鱼肠呢款咁怀旧嘅菜式买少见少，除咗制作工序繁复之外，选材及主
📍地址：尖沙咀弥敦道19-21号九龙酒店2楼
💰价位：～$200 - $400
⏰营业时间：星期一至日07:30 - 21:30
📱电话：27343722
今时今日，想叹番餐怀旧传统既手工中菜，又想坐得舒舒服服、环境优雅，绝对系可遇不可求👀👀作为中菜界天花板嘅九龙酒店✨龙逸轩✨就推出左全新既怀旧手工晚宴，一围八位用，人均唔使$800，已经包含加一服务费及茶芥，一个价钱就可以叹尽全港最高质之一嘅中菜🎊性价比极高👍🏻👍🏻
———————————————————
🌟怀旧手工晚宴🌟
🔹大红香芒乳猪
讲求刀工及火候控制嘅菜式！
乳猪肥瘦适中，外皮卜卜脆，油脂及肉质好balance，由自家烧味部厨师主理，火喉一流！
摆盘亦够晒精致，加入一片片清香既芒果，层次分明，又可以中和乳猪既油腻感，成个组合够晒出色！
🔹菜胆螺头炖海参
原汁原味炖汤，够晒养生！
用料矜贵，螺头加海参呢个组合鲜味十足，够晒滋补，汤头清甜得黎又滋润！
🔹桂花炒鱼翅
材料丰富，鱼翅经多重工序混合蛋丝及配料炒至干身，条条分明，层次感十足！鱼翅入口Q弹，配料丰富，值得一试！
🔹砵仔焗鱼肠
呢款咁怀旧嘅菜式买少见少，除咗制作工序繁复之外，选材及主制过程都好考功夫！
鱼肠处理得非常干净，完全冇鱼腥味道，入口带点爽弹，搭配浓浓蛋浆，料酒等配料焗制而成，外层焦脆，肉里蛋浆混合鲜嫩鱼肠，口感绵密，大满足！
🔹碧绿虾子柚皮
另一款巧手怀旧中菜！
柚皮经过多重处理，去除苦涩味，留下淡淡清香，口感软绵绵，搭配大量咸鲜味十足嘅虾子，伴以浓稠酱汁及生菜，入口超幸福！
🔹头抽香煎美国生蚝
美国生蚝出名肥美大只啖啖肉，食落口感相当Creamy～餐厅将生蚝煎至金黄色，加入头抽增其鲜味，一口咬落，色香味俱全！
🔹枝竹豆腐炆海星斑
海星班够哂厚肉，外皮Q弹，连同骨腩等部位轻轻拉油后，加入枝竹、豆腐及冬菇等配料炆煮，食材够哂丰富，海星斑新鲜嫩滑，啖啖鲜美绝无腥味！
🔹古法八宝鸭
主角出场，渐渐失传嘅手工菜式，令人惊喜！
厨师将原只鸭起骨，刀工及经验缺一不可，再酿入已炒香既金华火腿、莲子、薏米、糯米及粟子粒，经蒸煮后，配料与鹅肉嘅油香完美融合，轻轻切开松软嘅鸭肉外层，材料四溢，味道香喷喷，一款超别致嘅手工菜式！
🔹莲蓉西米焗布甸
传统嘅中式怀旧甜品，细细个已经好钟意食！莲蓉西米入口软糯，香甜滑顺，下层布甸蛋香味十足，甜而不腻！
🔹怀旧芝麻卷
呢款怀旧芝麻卷口感Q弹，层层分明，入口满满芝麻香气，够哂清甜，为充满怀旧特色嘅晚餐画上完美句号！
———————————————————
「龙逸轩」既中菜一向够哂水准，除咗用了选料高质之外，每道菜式都充分反映师傅巧手既烹调技巧！
今次主打嘅怀旧手工晚宴套餐，每一款都系工序繁复，落足心机炮制嘅怀旧中菜，除咗份量十足之外，价钱亦超吸引，一个价钱就可以叹尽咁多款既经典又巧夺天工既菜式，绝对系高质、高性价比之选！
张贴
