影片
更多
2018-07-13
242 浏览
笔者介绍：人称「肥佬B」，自2009年加入openrice，一直以openrice用作bookmark餐厅用途。踏入三十之年，心广体胖嘅我quota递减，故每逢可以出街食饭定必事前做足功课，以免浪费quota，希望透过写食评同大家分享饮食心得和介绍我嘅口袋餐厅。作为新界仔嘅我，更与女友相约「每月港岛一餐」，有兴趣就即刻follow我啦！ 身为一个麻甩仔，系屋村长大，食碟头饭同大排档大，何解今日沦落到去食空气...？I mean梳乎厘班戟老实讲我初头真系无兴趣，觉得只不过系港女呃like玩意，卖外表同气氛，实际系食空气，仲要大拿拿成旧水...不过，自从跟我个港女女友去食过之后，就番唔到转头...FlLIPPER'S系日本扎根，本身已经极具人气，自从I.T.引进香港Hysan之后，条人龙开业至今未停过...当日下午3点左右去都要排成45分钟，可见其夸张程度。排队个阵已经谂好食乜，所以一入座就去cashier俾钱落单，拎左号码牌，等左10分钟左右野食就到了绿茶红豆pancake碟上放有三大块pancake，再有两旧天然奶油同一pat红豆。Pancake食落口好轻，真系好似食紧一旧云咁，但唔系
身为一个麻甩仔，系屋村长大，食碟头饭同大排档大，何解今日沦落到去食空气...？I mean梳乎厘班戟老实讲我初头真系无兴趣，觉得只不过系港女呃like玩意，卖外表同气氛，实际系食空气，仲要大拿拿成旧水...不过，自从跟我个港女女友去食过之后，就番唔到转头...
FlLIPPER'S系日本扎根，本身已经极具人气，自从I.T.引进香港Hysan之后，条人龙开业至今未停过...当日下午3点左右去都要排成45分钟，可见其夸张程度。排队个阵已经谂好食乜，所以一入座就去cashier俾钱落单，拎左号码牌，等左10分钟左右野食就到了
绿茶红豆pancake
碟上放有三大块pancake，再有两旧天然奶油同一pat红豆。Pancake食落口好轻，真系好似食紧一旧云咁，但唔系普通嘅云，而系充满蛋香同牛油味嘅云，仲有少少湿润，配埋冻冻地嘅奶油真系无得顶！冰火两重天！
甜甜地、湿湿地、滑滑地...系幸福嘅感觉呀，你明唔明呀？
真系忍唔住一啖又一啖，直头同我女友争食。至于个pat红豆就显得有d普通。
性价比一般啦，$119有三大块pancake我觉得应份啰
绿茶红豆pancake
$119
19 浏览
0 赞好
0 留言
珍珠奶茶
店内要求每位客人点一样野，所以焗住叫左杯珍珠奶茶，饮一啖已经知中伏，奶茶无味似奶水，珍珠又系无味实的的，不喝也罢！事后谂番：系㖞！日本都无珍珠奶茶饮嘅
珍珠奶茶
$26
12 浏览
0 赞好
0 留言
张贴
