影片
更多
2021-08-04
612 浏览
6点几收工有啲肚饿，想食少少野，由湾仔行落铜锣湾，都未谂到，行过依间铺头，俾一把娇滴滴嘅男人声吸引住「你好啊，好靓嘅饭𩠌阿」我睇一睇个餐牌，$36双𩠌饭，$44有三𩠌，仲包埋汤；再望一望间铺头新新净净，好干净企理。拣咩𩠌好呢？拣𩠌同拣老婆都差唔多，拣错就只能硬食。咁有时又可能错有错著，好难讲。今次我就都几蠢咁拣错左依三个𩠌：鱼香茄子，蕃茄炒旦，椒盐猪扒鱼香茄子喺屋企好难煮，因为你唔会舍得落咁多油咁多盐，所以mcmug妈整极都整唔好食😂呢度啲鱼香茄子够味但唔会太咸，用嚟送饭都几好。蕃茄炒蛋喺屋企好易煮，但系如果有返过大陆都知道，大陆嘅蕃茄炒蛋同香港完全唔同，当然佢哋都系落好多油好多盐。但几可惜依个蕃茄炒蛋唔系我想象中嘅味道，啲汁有啲似咕噜肉嘅汁，普普通通，唔系大陆式嘅「西红柿炒蛋」椒盐猪扒系屋企唔会煮。讲到尾又系嘥油。佢今次比嘅猪扒份量唔太多，食落唔会太咸，腌得几好，重口味得黎唔系得个死咸。其实好多大排档都做到好鬼难食（爱民生都系几麻麻地），呢度三𩠌饭黎讲算合格。佢碗汤都几淡下，但热辣辣，我几时都讲饮汤最紧要热，唔热嘅汤，就算味道几好都嘥气。临走嘅时候见到老细嘅老婆带住两个女返嚟，两个女
6点几收工有啲肚饿，想食少少野，由湾仔行落铜锣湾，都未谂到，行过依间铺头，俾一把娇滴滴嘅男人声吸引住「你好啊，好靓嘅饭𩠌阿」
我睇一睇个餐牌，$36双𩠌饭，$44有三𩠌，仲包埋汤；再望一望间铺头新新净净，好干净企理。
拣咩𩠌好呢？
拣𩠌同拣老婆都差唔多，拣错就只能硬食。咁有时又可能错有错著，好难讲。
今次我就都几蠢咁拣错左依三个𩠌：鱼香茄子，蕃茄炒旦，椒盐猪扒
鱼香茄子喺屋企好难煮，因为你唔会舍得落咁多油咁多盐，所以mcmug妈整极都整唔好食😂呢度啲鱼香茄子够味但唔会太咸，用嚟送饭都几好。蕃茄炒蛋喺屋企好易煮，但系如果有返过大陆都知道，大陆嘅蕃茄炒蛋同香港完全唔同，当然佢哋都系落好多油好多盐。
但几可惜依个蕃茄炒蛋唔系我想象中嘅味道，啲汁有啲似咕噜肉嘅汁，普普通通，唔系大陆式嘅「西红柿炒蛋」
椒盐猪扒系屋企唔会煮。讲到尾又系嘥油。佢今次比嘅猪扒份量唔太多，食落唔会太咸，腌得几好，重口味得黎唔系得个死咸。其实好多大排档都做到好鬼难食（爱民生都系几麻麻地），呢度三𩠌饭黎讲算合格。
佢碗汤都几淡下，但热辣辣，我几时都讲饮汤最紧要热，唔热嘅汤，就算味道几好都嘥气。
临走嘅时候见到老细嘅老婆带住两个女返嚟，两个女好得意。呢一间新开嘅家庭式小店，卖啲嘢咁平，味道又正正常常，仲要位置湾仔呢一条大街，希望佢做得住，加油！
Mcmug综合评分：5/10 拣错左，咪下次再拣过啰，最紧要系你仲有得拣。家庭式经营，性价比极高+1分，6/10
张贴
