Restoran Indonesia Kampung Kita

营业中

休息中

屋企姐姐煮嘅广东菜唔啱你口味，其实好正常，正等如叫你整印尼菜都绝对唔啱当地人口味。不过，你其实又有无试过真正地道嘅印尼菜呢？位于旺角嘅Restoran Indonesia Kampung Kita，充满印尼家乡风味，深得姐姐们嘅推介，虽然佢都系姐姐嘅同乡，但佢系印尼人嘅香港人气饭堂。蒜蓉芽菜芽菜白嫩饱满，简单用蒜蓉将芽菜炒香，芽菜带有淡淡嘅蒜蓉香，入口仲系非常爽脆！峇里火焰烧鸡半只鸡皮烧到焦糖色，鸡皮脆卜卜，而鸡肉保持嫩滑。点上印尼地道特色嘅烧汁，咸中带辣，令烧鸡嘅味道更具层次。巴东牛肉食印尼菜又点少得巴东牛肉呢！貌似咖喱，但因为加咗椰浆，所以味道微甜，送饭一流！沙嗲鸡肉三串东南亚各国都兴食串烧，印尼菜都唔另外。串烧嘅鸡肉嫩滑，但食串烧嘅重点当然系沙嗲酱啦！浓郁嘅沙嗲酱，带有微微嘅花生香味，非常惹味。珍多冰天气开始热，嗌杯冻嘢饮就少不免啦！嚟到印尼餐厅当然要嗌招牌珍多冰，甜甜嘅椰汁加上绿豆粉同班兰造成嘅粉条，香甜软滑，非常解渴！