釜山商會

虽然我仲有几日就去釜山，不过我都想系香港试一试香港版釜山食物先，咁到时去到就有得对比下嘛。呢间餐厅新开系韩国街，面积都几大，入到去播晒k pop，店员系韩国人，系我对面又坐左成台韩国人，我都真系有一刻觉得自己去左韩国 🤣。现做辣炒年糕（$228）呢锅野有d似部队锅，有年糕、韩式鱼蛋、肠仔、半个公仔面，重点就系中间嘅韩式辣酱，成锅野味道嘅灵魂，店员会帮手煮，唔洗惊自己手残煮得唔好。釜山猪肉汤面（$95）、釜山猪肉汤饭（$97）呢两款系佢地招牌食物，所以一次过就试晒两款！白色汤底煲到奶一样，饮落好香浓，我觉得猪肉汤饭个汤比汤面更加出色，入面加左唔少韭菜，多左一重韭菜香，猪肉用上五花腩，食落唔肥又保留到五花腩嘅香，果然系招牌菜。📍釜山商会 (尖沙咀)尖沙咀金巴利道79-81号金栢阁地下A-C号舖。