洪師父牛肉麵

营业中

休息中

今日叫咗两款牛肉面，两款小食，两杯嘢饮。听朋友讲，以前包嘢饮，依家一杯都要20几蚊，仲要收加一。都算啦，边个叫人挂住台湾嘢食呀～ 红烧牛肉面汤底ok够浓味。但红曲蕃茄汤底就相对好淡，唔太吸引。个一口豆腐几嫩滑，啱我口味。朋友钟意有啲酒味嘅肠仔。同朋友边食边倾，饮到最后两三啖珠奶，个女侍应黑口黑面走嚟串人坐咗够一个钟，佢哋有其他客人等紧入嚟。佢客气啲，俾多几分钟人哋饮完最后几啖，其实系好小事。但佢一副得理不饶人嘅嘴脸，大晒咁嘅款，真系好难顶…… 做咩俾服务费仲要受呢啲气？