Base 8 Cafe

营业中

休息中

放假同女朋友一齐食个tea, 见铜锣湾有间新cafe就入去试下。叫咗一杯Iced black, 一杯黑糖latte, 一份牛油果蟹肉沙律卷，同埋一份炸薯条。杯黑糖latte系最ok嘅，其他嘢就真系有待改善。杯iced black 系偏淡嘅nutty味，after taste就有啲涩，可能系批豆比较差或者喺烘焙时唔够干身，导致有阵唔太舒服嘅涩味。牛油果蟹肉沙律卷，见佢上呢碟上得好快，似系一早整定放入雪柜再拎出嚟serve. 首先个卖相系几靓嘅，但系一放入口真系不得了，有阵喺街市鸡档嘅鸡屎味喺啲蟹肉度传出嚟，仲有少少雪柜嘅噏味... 估计系啲蟹有少少唔新鲜，加埋个雪柜冇清干净就放碟食物入去有关... 最后个炸薯条，有八成嘅薯条入面都系空心嘅... 所以我哋系食紧好幼嘅炸薯皮instead of 薯条... 可能我真系见识少，唔知道有地方嘅薯条系可以空心炸出嚟。Anyway，侍应服务态度好有礼貌，不过间cafe真系被啲食物质素拉低晒分数，希望之后有改善。