譽麵坊

营业中

休息中

我中学年代已经食开呢间，由十几年前嘅$15一碗食到而家$38一碗，好有经验㗎啦🤣曾经有一排佢哋嘅质素真系差咗，啲鸡冇以前咁好食又有油益味😢不过我依然会去帮衬，因为可以怀念返以前𠮶种味道🥺早几日又去咗食，又觉得OK返wo🤣➼ 爽滑猪颈肉米线其实平时我都系食开呢度嘅名物南乳鸡球米线，但因为前一晚食咗炸鸡，所以我拣咗相对地比较清淡嘅猪颈肉米线。呢度嘅猪颈肉唔系炸过或者煎过嘅，而系白烚嘅，钟意重口味嘅朋友可能会有啲失望，不过对我嚟讲就within expectation☺️➼ 南乳鸡球米线同行朋友照旧嗌咗呢度嘅名物，我同佢交换咗几旧🤣呢度嘅鸡球系即叫即炸，上枱嘅时候会见到啲鸡球仲系热辣辣岀紧烟，每一件鸡球都好大旧🤣外皮脆口，里面仲Keep到肉汁👍🏻➺ 小分享：我食咗半个钟，都Keep住有人行入嚟嗌外卖，10个有8个都系嗌鸡球米🤣如果系第一次试嘅朋友，我会建议试咗鸡球米线先，因为平心而论佢哋其他嘢食系冇咁岀色。