阿媽靚湯 (已結業)

其实呢度差唔多系我既饭堂，因为佢真系冇味精....如果要饮啖靓汤，呢度真系首选，平靓正！不过今日冇饮汤，但又系食我最喜欢既咸旦节瓜肉片汤饭！原只咸旦0系碗汤入面，正！肉片好嫰，又唔会俾梳打粉"那"到冇晒肉味！节瓜薄片，食落好清新！谂唔到食乜既时候，想食D清淡消暑野，呢个真系好选择。另外可以配鸡汤底或蕃茄汤底，当然明智应该拣蕃茄汤底，因为真系好足料，好多新鲜蕃茄！本人极力推介一众喜欢食汤饭既人氏！另外今次再叫了太子饭，由好多种米煮成，有些红米，糙米，粟米等等，食落超有口感，又够味道，散叫十二蚊一碗，可以食得饱的，而家营养价值丰富，值得一试。除我今日既选择，其实这里每天都有八款晚市饭𩠌选择，通常总会有两款是鱼，每天款色不同，我每次点的总是非常惹味！价钱都只是四十余元，我个人觉得都几超值，最紧要还是信得过佢既一句无味精！入面经常客满，因为好多熟客仔！大家都是喜欢吃家常饭的人，职员也个个笑面迎人！当然不是那新派的所谓礼貌，不停乜都讲一餐多谢光临，但那份亲切又是外面难找的。我会继续支持！