喜運點心專門店 (已結業)

第一次食呢间位于石门广场的点心店， 不时都经过呢度，呢间点心店就系喺马铁站对面嘅地铺，好显眼，同好就脚。餐厅做足防疫措施，店内亦都十分干净企理，虽然系坐圆凳，但枱面都算阔落。点心款式多元化，价钱都算经济，我点左鲜虾肠，同埋米网肠，本人喜欢肠粉，呢间既肠粉够滑同埋好薄，配搭里便嘅馅料，突出咗虾嘅鲜味，米网肠亦都内脆外软，从相中都可以见到肠粉皮系几薄。另外。仲叫咗虾饺拼烧卖同埋蒸粉果，虾饺烧卖基本上都同出边酒楼水准差唔多，不错。粉果皮亦都好软糯，十分足料，好饱满，两款点心都色香味俱全，而且上枱时热辣辣。凤爪排骨饭方面，排骨非常大嚿多肉，凤爪亦都好入味，𩠌同饭的比例刚好。甜品方面，叫咗个南瓜煎软饼，食嘅时候刚刚煎起，热腾腾，表面香脆，十分有惊喜，系必食推介，仲有叫咗桑寄生蛋茶，甜度适中，女士必食补品，有中式糖水舖嘅水准。整体来说呢间点心铺很有水准，大家路经石门可以一试。