影片
更多
2024-12-01
0 浏览
如题，终于系香港食到一间合格嘅鳗鱼饭。系谂唔到食咩嘅时候，突然醒起见过社交平台广告见过有新鳗鱼专门店开幕。其实近几年都有鳗鱼专门店开幕，定价都唔平，自己忍痛去试完都系失望而回。因为一样有两大缺点：有泥味同切骨做得唔好。讲返四代目菊川，本著最多都系试伏嘅心态去试，去到先发现原来仲系试业中，仲有好多日本师傅系现场，心谂应该现阶段质素有最低保证。但接近400一个set，都系先叫一份试一下，加多个小食睇下情况。先上嘅小食系鳗骨仙贝，未食已经见到吸油纸上面嘅油迹，一食就一口油味，本身有落好少盐调味，但炸得唔够干身，同年头系福冈一间鳗鱼专门店食嘅有啲差距。之后到招牌一本鳗三食，先夹一件鳗鱼入口，就知道可以放心再叫多一份食，最后点多一份一本鳗鱼饭。未食前打咭已经见到油光闪亮，食落口有轻微焦香，切骨亦做得接近日本食嘅质素，食完成餐全程唔使吐一条骨刺出黎。另一个香港鳗鱼店嘅通病泥味亦都非常唔明显，已经感到非常欣慰。以后系香港鳗鱼瘾发作都有地方可以食（希望到时有位）。唯一系如果饮完啖可尔必思后再食鳗鱼，果少少泥味就会若隐若现咁出返黎。惊喜位系鳗鱼肝汤，个鳗鱼肝无论size定味道都系食过咁多间中最大同最高质
系谂唔到食咩嘅时候，突然醒起见过社交平台广告见过有新鳗鱼专门店开幕。其实近几年都有鳗鱼专门店开幕，定价都唔平，自己忍痛去试完都系失望而回。因为一样有两大缺点：有泥味同切骨做得唔好。
讲返四代目菊川，本著最多都系试伏嘅心态去试，去到先发现原来仲系试业中，仲有好多日本师傅系现场，心谂应该现阶段质素有最低保证。
但接近400一个set，都系先叫一份试一下，加多个小食睇下情况。先上嘅小食系鳗骨仙贝，未食已经见到吸油纸上面嘅油迹，一食就一口油味，本身有落好少盐调味，但炸得唔够干身，同年头系福冈一间鳗鱼专门店食嘅有啲差距。
之后到招牌一本鳗三食，先夹一件鳗鱼入口，就知道可以放心再叫多一份食，最后点多一份一本鳗鱼饭。
未食前打咭已经见到油光闪亮，食落口有轻微焦香，切骨亦做得接近日本食嘅质素，食完成餐全程唔使吐一条骨刺出黎。另一个香港鳗鱼店嘅通病泥味亦都非常唔明显，已经感到非常欣慰。以后系香港鳗鱼瘾发作都有地方可以食（希望到时有位）。唯一系如果饮完啖可尔必思后再食鳗鱼，果少少泥味就会若隐若现咁出返黎。
惊喜位系鳗鱼肝汤，个鳗鱼肝无论size定味道都系食过咁多间中最大同最高质。比系日本名古屋啲老店嘅更出色。一咬落去，一股属于肝脏嘅高雅油脂香味系口腔中漫延，同细滑嘅口感相得益彰。可惜当晚鳗肝小吃已经一早卖晒，如果唔系会毫不犹豫咁加点。
至于甜品，就无咩可以讲，呢间系鳗鱼专门店，都系专心食鳗鱼好了。
始终都系试业期间，有好多地方都可以改善。比如员工唔熟流程，未收碟就上套餐、上完三食无讲解点样三食法（好彩系日本食过）、点饭时可以选少饭、正常定多饭，但酱汁偏少，食完反映时先讲台面上有樽鳗汁可以自行添加，但店员一开始无介绍台面上啲山椒粉、七咪粉同鳗汁，以为樽鳗汁系点店内刺身用的刺身豉油。
同埋鳗汁我想食热辣辣系饭面上果啲，后加始终无咁香，既然有得拣多饭少饭，希望以后有多汁少汁拣。
希望以后系香港开嘅鳗鱼专门店，最起码都有同样质素。宜家四代目菊川，暂时系我心目中香港No.1鳗鱼饭。
鳗骨仙贝
0 浏览
0 赞好
0 留言
一本鳗三食
0 浏览
0 赞好
0 留言
一本鳗鱼饭
0 浏览
0 赞好
0 留言
日式蕨饼
0 浏览
0 赞好
0 留言
张贴
