白鬍子炸魚薯條 (已結業)

同朋友去海旁谈心，去到中环码头，闻到香喷喷嘅炸鱼味，原来呢度有一间小店食炸鱼薯条，见到好多外国人拎住啤酒坐喺出边等，好似好新鲜热辣，今晚晚餐就喺呢度。我哋叫咗个一口炸鱼薯条（$63），方便同朋友分吃，之后要左我最爱嘅蚝，白啤酒炸生蚝（3pcs$48/6pcs$78)因为未食过唔知佢份量，所以就加钱要咗洋葱圈3pcs(+15)同埋鱿鱼圈2pcs(+$12)，冇叫单点。买完企系一边等一阵，整好佢就会嗌no., 我仲拣咗两款酱汁，Mustard, Tartar, 我觉得两个酱之中，他他比较好食。热辣辣嘅一口炸鱼，分量两个人啱啱好，炸粉唔会太多，炸到啱啱好，鱼唔腥啖啖肉，我哋两个都好钟意。我真系好钟意食蚝，外脆内嫩，一咬入边就好嫩滑鲜味，我一个人食咗两只，好后悔点解唔叫大份。不过食呢只蚝会有啲饱肚嘅感觉。洋葱圈同鱿鱼圈，虽然大家都系圈，但完全鱿鱼圈胜利，鱿鱼好嫩，唔会炸得过龙，但洋葱有啲黐埋咬唔开，可能我本身唔系太钟意食洋葱啦。我哋去咗一个比较静啲嘅位，坐系海边，趁住天气开始有啲微凉，一边吹海风一边食，再加上一杯啤酒，简单舒服嘅一个晚餐，好似生活左系莫内画入边咁。