SUKIYA すき家 (金龍中心)

营业中

休息中

平时入到Sukiya门口都要停低等员工都会带位，呢间分店系完全唔理你，由得你自己入去坐。呢样其实冇乜问题，香港餐厅不嬲都系咁。 佢有趣嘅地方系我一个人坐低咗两分钟左右开始多人，一位叫Kris嘅员工又无端端走埋嚟话因为繁忙时间，要求我从二人位调去吧枱位。 但我起身行去吧枱位发觉冇位俾我坐。kris同佢嘅同事又一嚿饭咁唔知点算好。其实啲员工唔可以settle好个吧枱位先至叫我调嘅咩？都算啦，过咗一阵又无端端问我介唔介意搭枱，想调我过去坐二人位同人搭枱，成个过程好似当我系个波咁踢嚟踢去，搞到安排好似我呢啲一个人去食饭嘅人坐低好似麻烦到佢哋咁嘅款。 最后感觉非常唔好受就离开咗冇食到嘢走咗。服务完全唔掂，唔expect日本餐厅嘅服务水准系咁，好多时寿司郎有人等位都好，都会安排一个人坐卡位，而且一定唔会叫坐低咗嘅人调位。而家搞到好似做一个人嘅生意好难为佢哋咁，呢间分店系我遇过最差嘅分店。