港記糖水

营业中

休息中

已经食过3次，俾晒机会，最终都系通唔ＰＡＳＳ。经常身处观塘，但竟发现协和街，裕民坊一带，竟然无乜糖水店.......唔熟路根本唔知仁爱围果边有许留山同埋人和，之外最近亦都系APM的满记........呢间野向康宁道一带就自然有D独市FEEL.铺头入面位置唔算多，多过６人的话就安排座位就真系有难度，位置亦十位之迫。第一次试卢荟豆花，卢荟当然就无咩味，不过数目都几多下；豆花竟然无乜落糖水，唔通谂住靠卢荟Ｄ味带出来？我都唔知系咪我错（懒系叫得刁转）。记得呀妈叫左个黑白，以芝麻糊来出豆花的话的确比较合理，但系芝麻糊稀左Ｄ，唔系好够味。但系老豆就觉得个姜汁撞奶唔错，但我无试。第二次系食云石布甸，即系芝麻啦！唉呀，搞乜Ｄ野又系咁乜味架？好淡口！唔好讲咩质感口感了，谂住食甜品点知劲淡，真无奈。第三次又玩野，香蕉紫米露，当然我一厢情愿以为点样搞Ｄ　MIX & MATCH，其实只系有香蕉肉向面的紫米露啦...........椰汁落得几重手，其实紫米露本身唔差，唔玩野唔叫香蕉好了。机会已经俾晒，服务就无咩的了，平均＄２０成但系整体质素真系偏差，街坊生意来讲亦绝对唔够平，即系好味又唔够人好味，平又唔够人平。