小曼谷海鮮燒烤屋

营业中

休息中

小曼谷喺我喺九龙城帮衬得最多嘅泰国野, 不断都有新菜式推出，本身个menu已经好多野拣架啦，试极都试唔完咁。平时食饭时间好多人，今日就6点早少少黎到。 今次黎，见到餐厅又推出新菜式啦～今次试下呢个火山排骨，之前喺泰国嘅夜市食完都好想再回味一下。上枱果下真喺要哗一声，卖相好震撼，份量应该喺3-4份，每条猪肋骨都好多肉，配搭个酸辣汁，特色十足。辣度唔算好辣我觉得啱啱好，如果无辣不欢嘅朋友可能叫加辣呀～ 叫左咁多肉就叫番个菜～我通常食泰国野都会叫椰菜苗，平时自己比较难买到，可以拣蒜蓉，咸肉或马拉盏去炒。今次叫左马拉盏，份量都几多，镬气都唔错，椰菜苗咬落几爽口，唔会过咸，推介呀～ 咪泰国餐厅比较少见到有pizza类嘅菜式，小曼谷呢个泰式风情薄饼就就好特别，馅料有泰式腊肠，蕃茄仔同埋芝士，饼底喺酥皮，香脆又有好多层。刚上枱热辣辣食好正呀。