紫粵軒

朋友之前同家人试过一次呢度既大闸蟹自助餐，推介之下，昨日同朋友一共4人终于可以试下😄由于系酒店内的中餐厅，环境、装修都好好，亦非常卫生。由于其中有一个朋友之前已经食过一次，所以我地一早有晒攻略去食今次自助餐。一开始，有每人一份既醉鸡做头盘。只鸡十分嫩滑，味道亦很好，没有太淡或太咸，酒味亦很适中。跟著我地马上order 左6只蟹，分别2只盐焗，2只清蒸同2只菊花。过左唔够10分钟就上左2只盐焗先，唔够几分钟其他个4只都到喇。我一开始试个清蒸先，虽然size比较细（我估大概3両左右）都有爆膏效果，d膏又多，又靓。跟著再试埋菊花、薰依草，效果都唔错，有阵阵清淡花香味，都唔错，别有一番风味。跟著再试埋盐焗，效果都唔错，唔会令只蟹太干身，而且仲有小小咸味。我地7点钟开始，就系咁我地4个人，啊每人食左差唔多10只蟹呀😅。最后再食埋食风沙口味。虽然系自助餐，但都系即叫即煮，而且黎得都好快，唔洗15分钟就有得食。食完今晚真系要乖乖地做多d运动，因为已经胆固醇爆标😝