柏麗廳

营业中

休息中

今日收工同班友仔食自助餐，其实呢排断断续续都食咗好多间，但系呢一间又真系有惊喜，呢个价钱嚟讲绝对系对得住食材质素。入到去餐厅食得多自助餐嘅朋友都可能觉得佢嘅格局熟口熟面，同铜锣湾有间自助餐简直系十有八九相似，佢哋都系嘅食材出名多元化。值得推介嘅地方系佢哋嘅海鲜系有惊喜的竟然有皇帝蟹，唔系平时食开𠮶啲松叶蟹，系皇帝蟹！食得出皇帝蟹系有水煮过但个人建议可以放柠檬落去一齐煮，可以冲走本身入边嘅咸味味，因为味道都系属于比较死咸。之后龙虾嘅话都系属于比较鲜嫩，喺自助餐嚟讲属于中上水平，其余种海鲜就不过不失，刺身嘅话系有惊喜有红虾，同埋我最钟意嘅带子竟然系原粒上唔切呢个底赞赏。和牛铁板烧同埋烧牛肉都系采用日本和牛，级数同埋部位可能唔系好高但系绝对系自助餐入边系食得过！抵赞！其余热菜虽然话种类唔多但系味道都普遍系中上水平，超越咗大多数自助餐嘅水平。甜品嘅话种类好多，甜品爱好者应该好钟意佢地，但系我就觉得种类多但水平唔算话十分好中下水平，雪糕嘅话就有Haagen-Dazs 同埋Movenpick。以呢个价位嚟讲甜品同雪糕都好对得住佢。总结呢间系值得再去嘅自助餐。