影片
更多
2021-10-11
67 浏览
食得多日本韩国菜，有时都要转下口味，今日同女朋友行实惠、宜家家私行到饿，就上网揾到间印尼菜餐厅转下口味，做好安心出行同埋量体温就安排入座！粟米饼系店员嘅炸物推介，亦系香港较少见嘅炸物，粟米饼外身炸得极为脆口，内里则较为软熟，粟米粒中和左炸物嘅油腻感，小食黎讲值得试吓！沙嗲鸡肉串好出色！每串鸡肉串都有大大嚿鸡肉，肉身鲜嫩亦唔干身，外层亦烧至香口，沙嗲酱味道够浓，酱汁仲加咗辣椒仔，令味道更加突出，用嚟点鸡肉串一流！印尼炒饭可以讲系食东南亚菜必食嘅一个炒饭，炒饭镬气十足而且炒得十分干身，令米饭粒粒分明，味道亦十分之均匀。佢哋亦会喺炒饭中加入鸡肉粒取替平时常见嘅鸡肉串，咁食嘅话口感层次更丰富！杂锦巴东牛肉饭亦系店员嘅推介之一，但系略为辛辣，食前先做好心理准备！佢哋嘅饭系椰汁饭，椰香味十足，饭身亦较为黏身，比起平时食嘅白饭大为不同十分特别。巴东牛肉真系好辣，但辣得来香味十足，味道有啲似超辣版嘅咖喱汁但有好多其他香料味，牛肉亦炆得好腍身，吸尽汁酱嘅味道，除咗牛肉之外，其他杂锦例如香辣花生碎粒、香辣薯仔粒同样醒神开胃，捞埋落去啲椰汁饭度食，口感层次丰富而且特别，赞！炒通菜不过不失，够镬气、唔油、味道
粟米饼系店员嘅炸物推介，亦系香港较少见嘅炸物，粟米饼外身炸得极为脆口，内里则较为软熟，粟米粒中和左炸物嘅油腻感，小食黎讲值得试吓！
沙嗲鸡肉串好出色！每串鸡肉串都有大大嚿鸡肉，肉身鲜嫩亦唔干身，外层亦烧至香口，沙嗲酱味道够浓，酱汁仲加咗辣椒仔，令味道更加突出，用嚟点鸡肉串一流！
印尼炒饭可以讲系食东南亚菜必食嘅一个炒饭，炒饭镬气十足而且炒得十分干身，令米饭粒粒分明，味道亦十分之均匀。佢哋亦会喺炒饭中加入鸡肉粒取替平时常见嘅鸡肉串，咁食嘅话口感层次更丰富！
杂锦巴东牛肉饭亦系店员嘅推介之一，但系略为辛辣，食前先做好心理准备！佢哋嘅饭系椰汁饭，椰香味十足，饭身亦较为黏身，比起平时食嘅白饭大为不同十分特别。巴东牛肉真系好辣，但辣得来香味十足，味道有啲似超辣版嘅咖喱汁但有好多其他香料味，牛肉亦炆得好腍身，吸尽汁酱嘅味道，除咗牛肉之外，其他杂锦例如香辣花生碎粒、香辣薯仔粒同样醒神开胃，捞埋落去啲椰汁饭度食，口感层次丰富而且特别，赞！
炒通菜不过不失，够镬气、唔油、味道唔重。食咗咁多重口味嘅嘢，都要叫返碟菜取返平衡，令自己罪恶感冇咁重！
张贴
