日山 (海運大廈)

营业中

休息中

今次又系因为海港城coupon而食既餐厅。其实早两年已经间唔时黎食，但当时一位难求。开关之后book位易左好多，今次拣左平日午市。日山午市有12:30及1:30两个时段，1:30比较少人入座，餐厅安排了海景位，十分贴心。前菜分别有三款。樱花虾茶碗蒸好足料，唔会食完两啖就冇哂樱花虾，蛋味都好香。中间既柚子味菇味道特别，但酱料未必贴菇好夹。烟肉薯蓉creamy香滑，唔错。其中一个主菜系seabass。肉质嫩滑，味道不错。但面豉汤同饭既份量明显比以前少左，但都够饱。身2款主菜系最出名既和牛寿喜烧。烧之前职员会介绍肉同埋煮法。今次职员会煮到7成熟。佢地都好贴心主动分两份比我地share。入口好滑又香，keep到水准，必食。甜品系柚子味雪糕，一如既往有柚子肉，雪糕糕身唔会过硬。1000蚊左右二人lunch系偏贵，但食物质素高，服务好，有coupon值得再次光顾。