影片
更多
2022-05-26
1773 浏览
本身book咗商场附近嘅台湾火锅，但望一望食评好似负评有啲多，于是临时转軚，望到呢间牛气日本火㶽。上嚟望一望见到唔系太多人评论呢间，但系餐牌上啲牛肉望落几新鲜，而且价钱唔算好贵，又可以任食1小时30分钟，咁就一于去试吓啦。好彩咁啱选择，啲牛确实同餐牌一样咁新鲜，食落嘅质感好嫩滑，好爽口，真喺有牛味。入嚟之前会先喺前门选择餐牌，而我哋就嗌左牛小排海鲜放题，（晚市$318成人一位，小朋友同埋长者就258一位）叫咗鸳鸯锅嘅蕃茄浓汤同埋麻辣汤。啲麻辣汤够浓，蕃茄汤就一开始冇咁浓，但因为个餐厅出边可以俾你夹𩠌，而去咁啱就有蕃茄，所以就夹咗几旧摆落去煲，之后可能因为又有唔同𩠌摆入去所以最后个汤变得浓郁咗。啲海鲜都几新鲜，食𠮶几只虾都好大只而且个虾头冇黑色，几唔错，但系啲带子就麻麻哋啦。总体嚟讲都几好。出面有得夹娃娃菜，生菜，饺子，芝麻丸，花生丸，有日本直送嘅手打乌冬同埋拉面，滑豆腐，白萝卜，芽菜，菇，芝士肠，贡丸等等。而且都有熟食，有咖喱鱼蛋，蒸烧卖，炭色流沙包，碗仔翅。另外可以叫职员攞几款寿司，有蟹柳，玉子，熟虾，鲍片，鳗鱼，八爪鱼同加州卷。甜品方面有芝麻同埋花生糯米糍，水晶红豆馅，泡芙，豆腐花
好彩咁啱选择，啲牛确实同餐牌一样咁新鲜，食落嘅质感好嫩滑，好爽口，真喺有牛味。入嚟之前会先喺前门选择餐牌，而我哋就嗌左牛小排海鲜放题，（晚市$318成人一位，小朋友同埋长者就258一位）叫咗鸳鸯锅嘅蕃茄浓汤同埋麻辣汤。啲麻辣汤够浓，蕃茄汤就一开始冇咁浓，但因为个餐厅出边可以俾你夹𩠌，而去咁啱就有蕃茄，所以就夹咗几旧摆落去煲，之后可能因为又有唔同𩠌摆入去所以最后个汤变得浓郁咗。啲海鲜都几新鲜，食𠮶几只虾都好大只而且个虾头冇黑色，几唔错，但系啲带子就麻麻哋啦。总体嚟讲都几好。
出面有得夹娃娃菜，生菜，饺子，芝麻丸，花生丸，有日本直送嘅手打乌冬同埋拉面，滑豆腐，白萝卜，芽菜，菇，芝士肠，贡丸等等。而且都有熟食，有咖喱鱼蛋，蒸烧卖，炭色流沙包，碗仔翅。另外可以叫职员攞几款寿司，有蟹柳，玉子，熟虾，鲍片，鳗鱼，八爪鱼同加州卷。甜品方面有芝麻同埋花生糯米糍，水晶红豆馅，泡芙，豆腐花。
特别称赞佢哋嘅手打乌冬，佢哋真系用面粉嚟整，而且口感烟靭，所以最好最后先食，因为个汤会变得好渴挞挞。豆腐花都好好食，豆味浓郁，比得上专卖豆腐花嘅甜品店。但系其他甜品就一般，咖喱鱼蛋就麻麻哋，但系个流沙包都几好食，寿司净系嗌咗一件玉子，个蛋都甜嘅，都唔错。
餐厅环境方面，内部光猛，冇昏暗暗嘅感觉，而且好阔落，空气都好流通，冇令人觉得唔舒服。
服务员态度良好，友善。带我哋入嚟嘅女职员笑容满面，当我哋同职员讲要加料，佢哋都好快手过嚟回应我哋同埋好快手攞过嚟。有时佢哋会自己过嚟问我哋有冇咩需要，同埋收取我哋唔要嘅碟，最后买单嘅时候个男职员同我哋倾吓计，所以我哋食呢一餐都食得几开心👍🏻
因为本身自己都系钟意食啲好嘢，对食物嘅品质有高要求，所以呢间真喺唔错，值得大家去试一试。本来都见到冇乜人对呢间火锅作出食评，以为应该麻麻哋，但系佢超乎我想像，D嘢真系几正，所以特登写呢个食评话俾大家听其实呢间火锅店虽然冇乜人写食评，但真系唔系想像中咁差，反而系几好。下次我哋会再去帮衬！
张贴