德國餐廳 (已搬遷) 新店位置

好似好耐都冇同男朋友食饭，难为佢星期日仲要去见客，咁岩又系我呢区，我等佢见完客就一齐去食个晚饭。呢间德国餐厅地方细少位置唔大，但装修有特色，我哋喺冇订枱既情况下都可以有位真好彩。但用餐时限系90分钟。嚟德国餐厅梗系要饮返德国啤，一杯就较为甜少少而且麦味比较重，另一杯就清淡啲西班牙风干火腿配凯萨沙津，蔬菜新鲜爽口，西班牙火腿薄薄一片口感带淡身唔咸。德国猪手香脆可口，肉质嫩滑又唔会太咸，师傅仲好细心咁切件上一啖一口，非常方便。