Brilliant Cooking (已結業)

近来葵芳区嘅食肆选择多咗， 除咗新都会、葵涌广场之外、仲有新落成嘅葵芳汇都多好多嘢食， 今日就试咗葵芳嘅Brilliant Cooking， 喺葵涌广场天桥过去只系两三分钟路程，非常方便。 餐厅装修同环境都几好，见到好多有心思嘅地方，卡位坐得舒服，试咗佢哋嘅二人餐先 意大利牛肝菌忌廉汤卖相好靓，牛肝菌香味扑鼻而且都好浓稠，好好味。 一口杂锦拼盘上碟好靓， 侍应仲会加水喺干冰，出烟感觉都几梦幻。 拼盘总共有四款口味， 第一件系巴马火腿忌廉芝士西多士，咸香十足，呢个配搭我返屋企都想试下整；第二件嘅挪威三文鱼芒果球，口感清新； 第三件嘅大虾青木瓜米之卷， 个皮做得好薄，配合爽脆嘅馅料，前菜首选； 最后一件系香煎带子刺身配蟹子， 带子好大只，厚度有2.5cm以上，好爽。 阿拉斯加蟹肉，BB带子＆ 蟹籽配鲜蟹膏忌廉汁意大利饭个意大利饭煮得好好， 有口感之余仲好够热， 个蟹膏忌廉汁好特别， 配意大利饭好衬 ， 蟹肉同带子份量十足， 感觉好满足。 炭烧美国顶级牛肩板腱肉 100z 配杂菜沙律＆香浓牛肉汁一上碟𠮶阵炭香味真系好劲， 个牛肉五成熟煮得好好加埋炭香味，我觉得满分👍 另外佢个牛肉汁都好好味，