阿桂老友粉 (已結業)

今日系观塘返part-time, 可能圣诞节就黎，好多客，搞到3点几先放lunch。听朋友讲，系康宁道个边有好多野食，于是我就行去紧下有咩食。行到康宁道，就见到好多间餐厅，都系食粉面为主。行到最尾见到间桃红色招牌既面食店叫阿桂老友粉，系食南宁特色既粉面，好似几特别下，所以决定入去品尝下。 店内环境品错，座位唔会太挤迫，唔会话食野个时会撞到第二个。 打开个menu, 有好多面食选择。由于未食过南宁老友粉，于是我就叫左个招牌南宁老友粉，睇下个招牌粉系咪真系'招牌菜'，另外我仲叫左半只口水鸡。话咁快，个招牌南宁老友粉就到喇，睇卖相就相当唔错，好似好足料咁。由于本人唔系好食得辣，所以就叫左小辣，加上佢本身配料有酸菜，汤令到底有d酸辣,好开胃，同埋好岩我口味。 佢d河粉都唔错，好爽滑，加埋d肉片一齐食就一流！ 呢个时候黎杯冰冻既奶茶，简直系人生一大享受！奶茶冲得几好，唔会话太多奶或者太重茶味。 最后黎既系口水鸡，本身以为份量唔会太多，点知佢好大份，岩哂3点几先放lunch，肚仔好空虚既我!而且佢鸡肉好嫩滑，够哂入味又唔会太辣，值得比个赞佢！总括黎讲，呢间面食店真系值得推介，