漢城美食 (已結業)

约左好朋友系尖沙咀食晚饭,她提议食韩国菜,因大家都喜爱,而好快就想起整条街好多都系韩国食店同超市既金巴利街,去到就一眼望到“汉城”此食店, 之前曾经经过门口, 刚装修过,看过食物价钱吾太贵, 又几地道, 所以决定试试.因为店内吾系太大, 所以门口有d人企系到等紧位, 取票后好彩等左一会已有位了, 而且系门外已顺便选好要点既菜, 坐下已立即点菜啦, 我地吾知原来可以自行写号码菜落落单纸, 故直接找侍应写, 而他们都全部只懂说英文, 我地叫左三款未试过既食物：1) 炆牛肋骨: 超好味, 食第一口已赞不绝口, 牛肋骨肉加其他配料(红萝卜,萝卜,冬菇) 好腍及好入味. 酱汁可用来送饭.2) 炒辣年糕: 怕太辣顶吾顺, 故叫左少辣, 几惹味及辣中带少甜，相比前菜(泡菜,辣萝荀和酸萝荀)已算轻微辣了, 可接受.3) 炸酱面: 朋友话成日睇韩剧见人地食得多, 而又未试过, 吾知系未我地耐左食食落唔多够热, 但面身好烟靱, 吾”立口”, 配上黑色甜面酱及洋葱，好开胃及味道唔错.挂住食,吾记得影相, 食物种类吾算太多, 但份量较预期大, 坐得都算舒服, 服务还算不错, 下次会带妈咪再来试其他食物.