火薈中日火鍋

营业中

休息中

经过旺角太子附近，好耐冇打过边炉，所以上OpenRice 揾吓有咩好食，见到呢间火锅店呢排做紧七折优惠，所以我地就决定食呢间。望到有几种汤底，本身谂紧食火焰波士顿龙虾海鲜锅，但系店员推荐花胶鱼翅鸡锅，有鲍鱼花胶鱼翅金华火腿，所以我哋就拣咗呢个。呢个锅鲍鱼都有几只，一试个汤好清甜，好似屋企煲嘅老火汤咁，好正。我地叫咗个海鲜拼盘，有波士顿龙虾，圣子，海虾，广岛蚝。我哋四个人食份量岩岩好，我自己最推荐龙虾，好鲜甜又多肉！而蚝都好新鲜！另外仲叫咗个顶级安格斯牛颈脊，呢个真系食到停唔到，牛肉肥瘦分布岩岩好，食落好香牛味！另外因为有七折优惠，所以就叫左自家制墨鱼丸同黑松露鲜虾丸，我自己就钟意食墨鱼丸，因为好香口弹牙，而朋友就好钟意食黑松露鲜虾丸，因为好香黑松露味。建议大家可以叫多啲其他𩠌，呢度仲有豆苗，不过个餐牌冇写要自己问架，呢啲都有七折。下次都会想再黎食呢间，就会试下龙虾海鲜锅。