影片
更多
2018-07-20
2047 浏览
平时行开奥海城，好似冇咩特别好食，今次经过呢间乐天经典，门面装修简单，唔算显眼。但每次经过都好多人入，今次见到入面几多人就去试下啦。入面地方宽敞，座位完全唔会挤迫，而且环境都好卫生，如果带小朋友同老人家就啱晒。我今次系平日去，入面完全满座。入到去佢地就准备左一份餐前小食就系花生炆栗子，两者都炆得好入味。打开佢餐牌，选择非常多，有主力既海鲜，星洲米线及肉类等，如果有老人家或者食素既朋友，佢地都好贴心地提供素菜食物。另外，餐厅部份菜式都设有大中细，三个份量俾客人选择，咁就唔怕食唔晒。餐厅的服务质素亦系另一个抵赞之处，职员服务态度好，而且主动。候餐时间大约10分钟，都算几快。青芥末虾球(小) $138今次选择左S size，适合2至3人食用。外表好色彩缤纷，炸熟既虾球配合奇亚籽、芒果肉粒、日本芥辣同蟹籽，味道酸酸甜甜，非常开胃，味道似沙津酱一样，芥辣味完全唔重，小朋友都可食食。虾球非常扎实又弹牙，值得赞既系炸粉唔会厚，口质十足，呢款菜色岩晒夏天食。星洲黑胡椒螃蟹 $368呢款亦都系餐厅主打菜色，系新加坡好出名既胡椒蟹，我之前去新加坡食过好出名个间，真系食过翻寻味，所以今次都好期待试下香港呢间
入到去佢地就准备左一份餐前小食就系花生炆栗子，两者都炆得好入味。打开佢餐牌，选择非常多，有主力既海鲜，星洲米线及肉类等，如果有老人家或者食素既朋友，佢地都好贴心地提供素菜食物。另外，餐厅部份菜式都设有大中细，三个份量俾客人选择，咁就唔怕食唔晒。餐厅的服务质素亦系另一个抵赞之处，职员服务态度好，而且主动。候餐时间大约10分钟，都算几快。
青芥末虾球(小) $138
青芥末虾球(小)
$138
57 浏览
0 赞好
0 留言
今次选择左S size，适合2至3人食用。外表好色彩缤纷，炸熟既虾球配合奇亚籽、芒果肉粒、日本芥辣同蟹籽，味道酸酸甜甜，非常开胃，味道似沙津酱一样，芥辣味完全唔重，小朋友都可食食。虾球非常扎实又弹牙，值得赞既系炸粉唔会厚，口质十足，呢款菜色岩晒夏天食。
星洲黑胡椒螃蟹 $368
星洲黑胡椒螃蟹
$368
58 浏览
1 赞好
0 留言
呢款亦都系餐厅主打菜色，系新加坡好出名既胡椒蟹，我之前去新加坡食过好出名个间，真系食过翻寻味，所以今次都好期待试下香港呢间有冇水准。一碟一只大肉蟹，大约2人食用份量。餐厅好贴心地提供手套、剥壳工具同湿纸巾，方便食客。蟹钳好大只同我只手一样大，冇花冇假，而且几多肉。肉质弹牙又嫩滑，抵赞既系味道超级鲜甜，配合香浓既胡椒汁，非常惹味，酱汁偏麻但辣味不会太强，而且酱汁多到可以捞饭食。虽然个汁好重味，但又唔会盖过蟹本身既鲜味。成碟蟹真系好好食，唯一唔好就系蟹肉痴壳，食既时候较麻烦，但整碟𩠌菜真系好令人回味。
三色桂花班兰糕(冷) $38
食完咁浓味既𩠌菜，当然要饮翻杯茶食下甜品。平时去酒楼或者甜品舖，都会有桂花糕椰汁糕，今次呢碟3合1特别既配搭出面真系好少见，面层有杞子桂花糕中间班兰味最底层系椰汁糕，食落唔会好甜，而且清清既桂花香再加上班兰椰汁既奶香味，老人家都啱食。食完个胡椒蟹再食呢个甜品中和翻。
整体而言，环境宽敞同款式多，服务质素都唔错，好多细节位好细心，啱晒一家大细黎食。食物方面，份量可自选，就唔怕浪费食物，而且味道好好，海鲜亦都好新鲜。价钱方面都合理。一句讲晒，值得再黎。以后黎奥海城又多个选择～
张贴
